ఫ్రాన్స్​ అధ్యక్షుడు మేక్రాన్​కు కరోనా

ఫ్రాన్స్ అధ్యక్షుడు ఇమ్మాన్యుయేల్ మేక్రాన్​ కరోనా బారిన పడ్డారు. వారం రోజుల పాటు ఆయన క్వారంటైన్​లో ఉంటారని, కరోనా జాగ్రత్తలు పాాటిస్తూ యథావిధిగా విధులు నిర్వహిస్తారని అధికార వర్గాలు వెల్లడించాయి.

కరోనా మహమ్మారి బారినపడిన దేశాధినేతల జాబితాలో ఫ్రాన్స్​ అధ్యక్షుడు ఇమ్మాన్యుయేల్ మేక్రాన్ చేరారు. మొదటి కరోనా లక్షణం కనిపించిన వెంటనే పరీక్షలు చేయించుకోగా ఆయనకు పాజిటివ్​గా తేలినట్లు ఫాన్స్ అధ్యక్ష భవనం ప్రకటనలో తెలిపింది. వారం రోజుల పాటు మేక్రాన్​ స్వీయ నిర్బంధంలో ఉంటారని, భౌతిక దూరం పాటిస్తూ యథావిధిగా కార్యకలాపాలు నిర్వహిస్తారని పేర్కొంది.

అయితే మేక్రాన్​కు మొదట బయటపడ్డ కరోనా లక్షణం ఏంటనే విషయంపై మాత్రం ఫ్రాన్స్ అధ్యక్ష భవనం స్పష్టత ఇవ్వలేదు.