ఫ్రాన్స్లో మళ్లీ పెరుగుతున్న కరోనా కేసులను అరికట్టేందుకు కర్ఫ్యూ విధించారు. పారిస్ సహా మొత్తం ఎనిమిది నగరాల్లో ఆంక్షలు విధిస్తున్నట్లు అధ్యక్షుడు ఇమ్మాన్యుయెల్‌ మేక్రాన్ ప్రకటించారు.
శనివారం మొదలుకొని నాలుగు వారాల పాటు కర్ఫ్యూ అమలులో ఉంటుంది. రాత్రి 9 నుంచి ఉదయం 6 గంటల మధ్య కర్ఫ్యూ కొనసాగనుంది.
ఫ్రాన్స్లో తాజాగా 22,591 కేసులు బయటపడ్డాయి. మొత్తం ఇన్ఫెక్షన్ల సంఖ్య 7,79,063కు చేరింది. బుధవారం 104 మంది మరణించారు. దీంతో మరణాల సంఖ్య 33 వేలు దాటింది.
ఒక్కరోజే 3.81 లక్షలు
ప్రపంచవ్యాప్తంగా కరోనా కేసులు పెరుగుతూనే ఉన్నాయి. గురువారం రికార్డు స్థాయిలో 3.81 లక్షల కేసులు వెలుగులోకి వచ్చాయి. ఫలితంగా మొత్తం కేసుల సంఖ్య 3 కోట్ల 87 లక్షల 30,280కి చేరింది. మరో ఆరు వేల మరణాలతో మృతుల సంఖ్య లక్షా తొంభై ఆరు వేలకు చేరింది.
ఇజ్రాయెల్లో కొత్తగా 1,848 కరోనా కేసులు నమోదయ్యాయి. దేశవ్యాప్తంగా బాధితుల సంఖ్య 2.98 లక్షలకు చేరుకుంది. మరో 43 మరణాలు సంభవించాయి. కరోనాతో చనిపోయిన వారి సంఖ్య 2,098కి చేరింది.
అమెరికాలో బయటపడ్డ 59,693 కేసులతో మొత్తం బాధితుల సంఖ్య 81 లక్షలు దాటిపోయింది. ఒక్కరోజే 970 మంది మరణించారు. మరణాల సంఖ్య 2.21 లక్షలకు పెరిగింది.
పలు దేశాల్లో కరోనా కేసుల వివరాలు ఇలా...
| దేశం | కేసులు | మరణాలు |
| అమెరికా | 81,50,043 | 2,21,843 |
| బ్రెజిల్ | 51,41,498 | 1,51,779 |
| రష్యా | 13,40,409 | 23,205 |
| స్పెయిన్ | 9,37,311 | 33,413 |
| అర్జెంటీనా | 9,31,967 | 24,921 |
| కొలంబియా | 9,30,159 | 28,306 |
| పెరూ | 8,56,951 | 33,512 |
| మెక్సికో | 8,29,396 | 84,898 |
| ఫ్రాన్స్ | 7,79,063 | 33,037 |
TAGGED:
covid death toll