'త్వరలో అందరికీ సరిపడా టీకాలు'

ఐరోపా సమాఖ్యలో టీకాల పంపిణీ ఆదివారం ప్రారంభమయింది. ఈ సందర్భంగా ఐరోపా సమాఖ్య కమిషన్ అధ్యక్షురాలు ఉర్సులా వాన్​డెర్​ లియోన్ ట్వీట్ చేశారు. త్వరలో టీకా అందరికీ అందుబాటులోకి వస్తుందని వెల్లడించారు.

ఐరోపా సమాఖ్యలో (ఈయూ) అందరికీ సరిపడా టీకాలు త్వరలో అందుబాటులోకి రానున్నాయని ఐరోపా కమిషన్ అధ్యక్షురాలు ఉర్సులా వాన్​డెర్​ లియోన్​ ప్రకటించారు. ఈ మేరకు ఆదివారం ట్వీట్ చేశారు. ఈయూలోని వివిధ దేశాల ప్రజలు టీకాలు తీసుకుంటున్న వీడియోను ఈ ట్వీట్​కు జత చేశారు.

"ఈరోజు తొలి యూరోపియన్లు కొవిడ్​ టీకా తీసుకుంటున్నారు. మాడ్రిడ్​ నుంచి పారిస్​ వరకు, అథెన్స్ నుంచి రిగా వరకు.. ఐరోపా సమాఖ్య వ్యాప్తంగా అందరూ వ్యాక్సిన్లు తీసుకోవడం సంతోషంగా ఉంది.

ముందు కొవిడ్​కు ఎక్కువ ప్రభావితం అయ్యే వారిని రక్షిద్దాం. త్వరలో మనందరికీ సరిపడా వ్యాక్సిన్లు అందుబాటులోకి వస్తాయి."

-ఉర్సులా వాన్​డెర్​ లియోన్, ఈయూ కమిషన్ అధ్యక్షురాలు

ఆదివారం ఉదయం ఐరోపా సమాఖ్యలో తొలి విడత టీకా పంపిణీ ప్రారంభమయింది. ప్రస్తుతం ఫైజర్​ వ్యాక్సిన్​ను మాత్రమే ఈయూ అనుమతించింది.

ఇదీ చూడండి :ఆక్స్​ఫర్డ్​ టీకా జనవరి తొలివారంలో?