ప్రపంచవ్యాప్తంగా ప్రఖ్యాతి గాంచిన ఈఫిల్ టవర్ సందర్శనను.. 104 రోజుల లాక్డౌన్ విరామం అనంతరం పునః ప్రారంభించారు. రెండో ప్రపంచ యుద్ధం నాటి నుంచి ఫ్రాన్స్లోని ఈఫిల్ టవర్ను ఇన్ని రోజుల పాటు మూసివేయడం ఇదే తొలిసారి.
ఈఫిల్ టవర్లో సందర్శకులను అనుమతించిన తొలిరోజే.. పర్యటకులు, స్థానికులు తరలివచ్చారు. వీరికి ప్రవేశ ద్వారం వద్దే మస్కట్, సంగీతంతో స్వాగతం లభించింది.
104 రోజుల తర్వాత ఈఫిల్ టవర్ సందర్శనకు అనుమతి రెండు అంతస్తుల్లో మాత్రమే..
324 మీటర్లు(1,063 అడుగులు) ఎత్తైన ఈ ఐరన్ టవర్ను వీక్షించేందుకు పరిమిత సంఖ్యలో పర్యటకులకు అవకాశం కల్పించారు అధికారులు. పైకి వెళ్లేందుకు ఎలివేటర్ సేవలను నిలిపేసి.. మొదటి, రెండవ అంతస్తుల్లో మాత్రమే ప్రవేశం కల్పించారు.
వైరస్ వ్యాప్తి నేపథ్యంలో చిన్న పిల్లలకు ప్రవేశం నిషేధించిన సిబ్బంది.. 11ఏళ్లు పైబడిన వారికే అనుమతిస్తున్నారు. ప్రతి ఒక్కరూ తప్పనిసరిగా మాస్కులు ధరించి, భౌతిక దూరం నియమాలను పాటించేలా చర్యలు చేపట్టారు.
ఇదీ చదవండి:తుది దశకు ఆక్స్‌ఫర్డ్‌ టీకా- అక్టోబర్లో రిలీజ్!
