కొవిడ్‌ బాధితుల మెదడుకు హాని కలిగే ముప్పు ఉన్నట్టు తాజా అధ్యయనంలో తేలింది. స్వీడన్‌లోని గోతెన్బర్గ్ యూనివర్సిటీ పరిశోధకులు... మహమ్మారితో బాధపడుతున్న పలువురి రక్త నమూనాలను పరీక్షించారు. వైరస్‌ లోడు ఓ మోస్తరు నుంచి అధికంగా ఉన్నవారి రక్తంలో... గ్లియాల్‌ ఫిబ్రిలరీ యాసిడ్‌ ప్రొటీన్‌, న్యూరోఫ్లామెంట్‌ లైట్‌ చైన్‌ ప్రొటీన్లు ఉన్నట్టు వారు గుర్తించారు. నిజానికి ఈ రెండూ మెదడులోని ఆస్ట్రోసైట్‌, మరో రకం నాడీ కణాల్లో ఉంటాయి. ఇవి దెబ్బతిన్నప్పుడు వాటిలోంచి ఈ రెండు ప్రొటీన్లు స్రవించి, రక్తంలో కలుస్తాయి.
కొవిడ్‌ బాధితుల మెదడుకు ముప్పు!
కరోనా వల్ల మెదడుకు హాని కలిగే అవకాశం ఉందని స్వీడన్ గోతెన్బర్గ్ విశ్వవిద్యాలయ పరిశోధకులు తెలిపారు. ఓ మోస్తరు నుంచి అధికంగా ఉన్న వారి రక్తంలో మెదడుకు హాని కలిగినప్పుడు విడుదలయ్యే రెండు రకాల ప్రొటీన్లను గుర్తించినట్లు వెల్లడించారు.
కొవిడ్‌ బాధితుల మెదడుకు ముప్పు!
రక్తంలో వీటి ఉనికి ఉన్నవారి మెదళ్ల పనితీరులో లోపం కనిపిస్తోందని పరిశోధకులు పేర్కొన్నారు. వెంటిలేటర్‌ ట్రీట్‌మెంట్‌ అవసరమయ్యే చాలామంది రక్తంలో ఎన్‌ఎఫ్‌ఎల్‌ ఉంటోందనీ, ఈ ప్రొటీన్‌ స్థాయి ఎంత ఎక్కువగా ఉంటే కొవిడ్‌-19 తీవ్రత అంతగా ఉంటోందనీ గుర్తించారు.
ఇదీ చూడండి:చమురు బావిలో ఇప్పటికీ ఎగిసిపడుతున్న మంటలు