బ్రెజిల్​: అడవుల కాల్చివేతపై 60 రోజుల నిషేధం

అమెజాన్​ అడవుల్లో కార్చిచ్చు చెలరేగి వేల ఎకరాలు కాలిపోతున్న తరుణంలో బ్రెజిల్ నివారణ చర్యలు చేపట్టింది. రానున్న 60 రోజుల పాటు దేశంలోని ఏ ప్రాంతంలోనూ అడవులను కాల్చకూడదని ఆదేశాలు జారీ చేసింది. అంతర్జాతీయంగా వస్తున్న ఒత్తిడి మేరకు ఈ నిర్ణయం తీసుకున్నారు బ్రెజిల్​ అధ్యక్షుడు జైర్​ బొల్సొనారో.

ప్రపంచ పర్యావరణానికి ప్రధాన బిందువుగా ఉన్న అమెజాన్​ అడవుల్లో కార్చిచ్చుతో వేలాది ఎకరాలు బుగ్గిపాలు అవుతోంది. కార్చిచ్చుపై అంతర్జాతీయ సమాజం ఆందోళన వ్యక్తం చేస్తున్న నేపథ్యంలో బ్రెజిల్​ నివారణ చర్యలు చేపట్టింది. రానున్న 60 రోజుల పాటు దేశంలోని ఏ ప్రాంతంలోనూ అడవులను కాల్చకూడదని ఆదేశించింది.

అమెజాన్​ కార్చిచ్చుపై అంతర్జాతీయంగా వస్తున్న ఒత్తిడి మేరకు ఈ నిర్ణయం తీసుకున్నారు ఆ దేశ అధ్యక్షుడు జైర్​ బొల్సొనారో.

1600 కొత్త ప్రాంతాల్లో..

కార్చిచ్చును అదుపు చేసేందుకు వేల మంది సిబ్బంది ​రోజుల తరబడి శ్రమిస్తున్నా.. ఫలితం లేకుండా పోతోంది. వైమానిక దళానికి చెందిన రెండు హెలికాప్టర్లు సహాయక చర్యల్లో పాల్గొంటున్నాయి. గత రెండు రోజుల్లో సుమారు 1600 పైగా కొత్తగా మంటలు చెలరేగిన ప్రాంతాలను గుర్తించారు. ఇప్పటి వరకు ఈ సంఖ్య 85 వేలకు చేరుకుంది. 2010 నుంచి చెలరేగిన కార్చిచ్చులో ఇదే అతిపెద్దది.

అమెజాన్​ కార్చిచ్చును అదుపు చేసేందుకు ప్రపంచ దేశాల మద్దతు కోరారు ఐక్యరాజ్య సమితి ప్రధాన కార్యదర్శి ఆంటోనియా గుటెరస్​. ఐరాస సాధారణ సమావేశంలోనూ దీనిపై చర్చిస్తామని తెలిపారు. బొలీవియాలోనూ కార్చిచ్చు చెలరేగినట్లు ఐరాస పేర్కొంది.

ఇదీ చూడండి: బ్రిటన్​ పార్లమెంట్ సమావేశాల రద్దుపై కోర్టుకు విపక్షాలు