నిరాశ్రయులకు ఇళ్ల నిర్మాణం కోసం రోడ్లపై నిద్ర!

నిరాశ్రయులకు ఇళ్లు నిర్మించేందుకు వరల్డ్స్​ బిగ్​ స్లీప్​ ఔట్​ పేరుతో వినూత్న కార్యక్రమం నిర్వహించారు స్కాటిష్ ఛారిటీ సహ వ్యవస్థాపకుడు. లండన్​, న్యూయార్క్, బ్రిస్బేన్ వంటి ప్రముఖ నగరాల్లో ప్రజలంతా ఒక రోజు రోడ్లపై నిద్రించి కార్యక్రమాన్ని విజయవంతం చేశారు.

నిరాశ్రయులకు సొంత ఇంటిని నిర్మించేందుకు ఓ స్వచ్ఛంద సంస్థ చేపట్టిన వినూత్న కార్యక్రమంలో వేలాది మంది ప్రజలు భాగస్వాములయ్యారు. స్కాటిష్ ఛారిటీ సహ వ్యవస్థాపకుడు జోష్ లిటిల్జోన్.. వరల్డ్స్ బిగ్ స్లీప్ ఔట్​ కార్యక్రమానికి రూపకల్పన చేశారు. నిరాశ్రయులకు ఇంటి నిర్మాణానికి నిధులను సేకరించేందుకు ప్రజలందరూ ఒక రోజు రాత్రి వీధుల్లో నిద్రించాలని ప్రచారం చేశారు.

ఈ కార్యక్రమానికి విశేష స్పందన వచ్చింది. లండన్, ఎడిన్‌బర్గ్‌, కార్డిఫ్‌, న్యూయార్క్, బ్రిస్బేన్, డబ్లిన్ నగరాల్లో ప్రజలు వీధుల్లో నిద్రించారు. ప్రపంచవ్యాప్తంగా దాదాపు 60 వేల మంది వరల్డ్స్‌ బిగ్‌ స్లీప్‌ ఔట్​ కార్యక్రమంలో పాల్గొన్నారని నిర్వాహకులు తెలిపారు. ఈ కార్యక్రమంలో ప్రముఖులూ పాల్గొన్నారు.

ఇదీ చూడండి: ఈటీవీ భారత్​ను వరించిన 'కోయిర్ కేరళ-2019' అవార్డు