ప్రపంచవ్యాప్తంగా కరోనా బాధితుల సంఖ్య 36 లక్షలకు చేరువైంది. ఇప్పటివరకు ప్రపంచ వ్యాప్తంగా 2 లక్షల 48 వేల మందికిపైగా మృత్యువాతపడగా....11 లక్షల 53 వేల మందికిపైగా కోలుకున్నారు.
అమెరికాలో గడిచిన 24 గంటల్లోనే 1450 మందికిపైగా చనిపోగా.. దేశంలో మొత్తం మృతుల సంఖ్య 68 వేల 600కు చేరువైంది. కరోనా బాధితుల సంఖ్య 11 లక్షల 87 వేలు దాటింది. ఐరోపాలోని బ్రిటన్‌లో నిన్న 315 మంది చనిపోగా......ఇటలీలో 174 మంది, స్పెయిన్లో 164 మంది, ఫ్రాన్స్‌లో 135 మంది కరోనా మహమ్మారికి బలయ్యారు.
జర్మనీలో శనివారం 54 మంది చనిపోగా...... రష్యాలో 58 మంది ప్రాణాలు కోల్పోయారు. వైరస్‌ విస్తృతి అధికంగా ఉన్న రష్యాలో మెుత్తం కేసుల సంఖ్య లక్షా 35 వేలకు చేరువైంది.
మిగతా దేశాల్లో...
- బెల్జియంలో 79 మంది, నెదర్లాండ్స్‌లో 69 మంది ప్రాణాలు కోల్పోయారు.
- కెనడాలో గడిచిన 24 గంటల్లో 116 మంది చనిపోగా.. మెక్సికోలో 89 మంది ప్రాణాలు కోల్పోయారు.
- ప్రపంచంలోనే అతిపెద్ద హట్‌స్పాట్‌గా మారుతోన్న బ్రెజిల్‌లో శనివారం నాడు 275 మంది చనిపోగా కేసుల సంఖ్య లక్ష దాటింది.
- ఈక్వెడార్‌లో నిన్న 193 మంది ప్రాణాలు విడిచారు.
- పెరూలో మరో 86 మంది చనిపోయారు. కొత్తగా 3 వేల 394 కేసులు నమోదయ్యాయి.