తెల్లటి గడ్డం, నెరిసిన జుట్టుతో కనిపిస్తున్న ఇతని పేరు విక్నేస్లెవ్ రాన్సర్. వయస్సు 68 ఏళ్లు. రష్యా లోని సెయింట్ పీటర్బర్గ్ నగరానికి చెందిన ఇతను 10ఏళ్ల క్రితం నివాసాన్ని కోల్పోయి రోడ్డు మీద పడ్డాడు. అప్పటి నుంచి సెయింట్ వీధుల్లోనే జీవనం సాగిస్తున్నాడు. అయితే నగరంలోని నెవ్స్కీ ప్రాంతపు అందాలు, పురాతన కట్టడాలు, అనువణువూ రాన్సర్కి తెలుసు. అదే అతడ్ని టూరిస్ట్ గైడ్ని చేసింది.
రాన్సర్ రోజూ ఉదయం 9 గంటల నుంచి నుంచి మధ్యాహ్నం 3 వరకు నావెస్కీ ప్రోస్పెక్ట్ కట్టడాలను వీక్షించేందుకు వచ్చే పర్యటకుల కోసం స్థానిక సబ్వే స్టేషన్ వద్ద నిల్చుంటారు. కావలిసిన వారికి గైడ్గా ఉంటూ చాలా తక్కువ మందికి మాత్రమే తెలిసిన 15 పురాతనమైన కట్టడాల చరిత్రనంతటినీ వివరిస్తారు.
సెయింట్ నగర అందాలు అనువణువూ తెలిసిన రాన్సర్ చెప్పే విషయాలు జ్ఞానాన్ని కలిగిస్తాయి. కానీ వచ్చే పర్యటకులు అతని వ్యక్తిగత జీవితాన్ని తెలుసుకోవడానికి మరింత ఉత్సుకత చూపుతున్నారు.
ఇతని గురించి సామాజిక మాధ్యమాల్లో చాలా సమాచారమే ఉంది. ఇతను అసాధారణ రీతిలో పర్యటక ప్రాంతాల గురించి వివరిస్తారు. అందుకే నేను కూడా ఆ అనుభూతి పొందాలని వచ్చాను.
-ఐవాన్ పెట్రోవ్, పర్యటకుడు
భౌగోళిక, వృక్ష శాస్త్రాలను బోధిస్తూనే రాన్సర్... వారాంతాల్లో ఫ్రీలాన్స్ గైడ్గా చేస్తున్నారు. సెయింట్ నగరంలో ఎముకలు కొరికే చలిలో జీవనం సాగించడం ఎంతో నరకంగా ఉంటుంది. తన చుట్టూ ఎప్పటికీ సాయం చేసే వారు ఉంటున్నారని, ఎప్పుడూ ఆకలి ఇబ్బందిని ఎదుర్కోలేదని ఆయన తెలిపారు.