ఉక్రెయిన్​లో కర్నాటక యువకుడి కిడ్నాప్

ఉక్రెయిన్​కు వెళ్లిన ఓ 21 ఏళ్ల భారతీయుడు కిడ్నాప్​కు గురయ్యాడు. కర్ణాటకాకు చెందిన ఈ యువకుడిని ఉక్రెయిన్ రాయబార కార్యాలయం అధికారుల సాయంతో పోలీసులు కాపాడారు.

ఉన్నత విద్యకోసం ఉక్రెయిన్​కు వెళ్లిన ఓ 21ఏళ్ల యువకుడు కిడ్నాప్​కు గురయ్యాడు. కర్ణాటకలోని బీదర్ జిల్లా హక్యాల తాండాకు చెందిన అజయ్​ రాథోడ్​ గతేడాది డిసెంబరు 14న ఉక్రెయిన్​కు వెళ్లాడు. జనవరి 16న అజయ్​​ను గుర్తుతెలియని వ్యక్తులు కిడ్నాప్​ చేశారు. బాధితుడిని కిర్గిస్థాన్​కు తరలించారు. దుండగులు బాధితుడి కుటుంబసభ్యుల నుంచి కోటి రూపాయలు డిమాండ్ చేశారు. డబ్బు చెల్లించకపోతే అఫ్గానిస్థాన్ సరిహద్దుల్లో విడిచిపెట్టేస్తామంటూ బెదిరింపులకు పాల్పడ్డారు. ​

కిడ్నాప్​కు గురైన యువకుడు - అజయ్​ రాథోడ్​

ఎట్టకేలకు..

అజయ్​ కిడ్నాప్​పై ఆందోళ చెందిన తల్లిదండ్రులు బీదర్ ఎస్పీ డీ.ఎల్ నగేష్​కు​ ఫిర్యాదు చేశారు. అప్రమత్తమైన పోలీసులు ఉక్రెయిన్ రాయబార కార్యాలయ అధికారుల సాయంతో బాధితుడిని దుండగుల చెర నుంచి రక్షించారు. అజయ్​ త్వరలో భారత్​కు తిరిగి వస్తాడని బంధువులు వెల్లడించారు.

ఇదీ చదవండి :ట్రంప్​పై విమర్శల జడివాన స్వయంకృతమే!