లాక్​డౌన్​ వద్దంటూ బ్రిటన్​లో హింస

బ్రిటన్​లో లాక్​డౌన్​ విధించొద్దంటూ చేపట్టిన ఆందోళన హింసాత్మకంగా మారింది. నిరసనకారులు పోలీసులపై కోడిగుడ్లు, ఇటుకలు, బాటిళ్లు రువ్వారు. ఈ ఘటనను యూకే ప్రధానమంత్రి బొరిస్​ జాన్సన్​, హోం మంత్రి ప్రీతి పటేల్​ ఖండించారు.

ఇంగ్లాండ్​లోని నైరుతి నగరమైన బ్రిస్టల్​లో యాంటీ లాక్​డౌన్​ కూటమిగా ఏర్పడిన కొందరు 'కిల్​ ది బిల్​' పేరిట చేపట్టిన ఆందోళన హింసాయుతంగా మారింది. పోలీసు అధికారులపై కోడిగుడ్లు, ఇటుకలు, గ్లాస్​ బాటిళ్లు విసరడంతో పదిమంది ఆందోళనకారులను బ్రిటిష్​ పోలీసులు అరెస్టు చేశారు. శుక్రవారం సాయంత్రం జరిగిన ఈ సంఘటనల తర్వాత పోలీసులు, ఆందోళనకారుల నడుమ ప్రతిష్టంభన ఏర్పడింది.

పోలీసులు గుర్రాలపై తిరుగుతూ లౌడ్​ స్పీకర్లతో పలుమార్లు హెచ్చరించిన తర్వాత మూకలను చెదరగొట్టారు. పోలీసు అధికారులను లక్ష్యంగా చేసుకుని నిరసనకారులు దాడి చేయడాన్ని యూకే ప్రధానమంత్రి బొరిస్​ జాన్సన్​, హోం మంత్రి ప్రీతి పటేల్​​ ఖండించారు.

ఇదీ చూడండి:ఈజిప్టులో కూలిన భవనం- 18 మంది మృతి