Maryam Nawaz to Imran Khan: పాకిస్థాన్ ప్రధానమంత్రి ఇమ్రాన్ ఖాన్‌పై ప్రతిపాదిత అవిశ్వాస తీర్మానం ఆమోదం పొందితే.. పాకిస్థాన్ ముస్లిం లీగ్‌- నవాజ్‌ (పీఎంఎల్‌-ఎన్‌) పార్టీ తరఫున షెహ్‌బాజ్‌ షరీఫ్‌ ప్రధాని అభ్యర్థిగా నిలవనున్నారు. పార్టీ ఉపాధ్యక్షురాలు, పాక్ మాజీ ప్రధాని నవాజ్‌ షరీఫ్‌ కుమార్తె మర్యమ్‌ నవాజ్‌ ఈ విషయాన్ని వెల్లడించారు. ప్రధానిగా ఇమ్రాన్ ఆట ముగిసిందని ఆమె ఎద్దేవా చేశారు. ఇస్లామాబాద్‌ హైకోర్టు వెలుపల సోమవారం ఆమె విలేకర్లతో ఈ మేరకు మాట్లాడారు. ఇమ్రాన్‌కు వ్యతిరేకంగా పీఎంఎల్‌-ఎన్‌, పాకిస్థాన్ పీపుల్స్‌ పార్టీ (పీపీపీ)లకు చెందిన దాదాపు 100 మంది చట్టసభ్యులు జాతీయ అసెంబ్లీలో ఇటీవలే అవిశ్వాస తీర్మానం ప్రవేశపెట్టారు.
సుప్రీంకోర్టును ఆశ్రయించిన ఇమ్రాన్ సర్కారు