వారం రోజుల్లో 52 లక్షల కరోనా కేసులు

ప్రపంచ దేశాలపై కరోనా మహోగ్రరూపం దాల్చుతోంది. వారం రోజుల వ్యవధిలో 52.36 లక్షల మంది వైరస్​ బారినపడ్డారు. ఇప్పటివరకు నమోదైన కేసుల్లో ఇదే అత్యధికమని ప్రపంచ ఆరోగ్య సంస్థ ప్రకటించింది.

ప్రపంచ వ్యాప్తంగా కొవిడ్​ విజృంభణ కొనసాగుతోంది. ఏడు రోజుల్లోనే 52లక్షల 36వేల 922 వైరస్​ కేసులు వెలుగుచూశాయి. ఇప్పటివరకు నమోదైన కేసుల్లో ఇదే అత్యధికమని ప్రపంచ ఆరోగ్య సంస్థ(డబ్ల్యూహెచ్​ఓ) వెల్లడించింది. అంతకముందు.. ఈ ఏడాది జనవరిలో నమోదైన 50.04 లక్షల కేసులే గరిష్ఠంగా ఉండేవి.

అంతర్జాతీయంగా.. కొద్ది రోజులుగా రోజుకు సగటున 7 లక్షలకుపైగా కొత్త వైరస్​ కేసులు వెలుగుచూస్తున్నాయి. మొత్తం బాధితుల సంఖ్య 14.38 కోట్లకు చేరింది. మహమ్మారి సోకిన వారిలో 30.61 లక్షలు దాటింది.

ఐరోపాలో కరోనా కేసులు 3 శాతం మేర తగ్గగా.. ఇతర ప్రాంతాల్లో కొవిడ్​ కేసులు విపరీతంగా పెరిగాయి. వైరస్ ఉద్ధృతి అధికంగా ఉన్న ఆగ్నేయాసియా ప్రాంతంలో వారం రోజుల వ్యవధిలో కొత్త కేసుల సంఖ్య 57 శాతం పెరిగినట్లు గణాంకాలు వెల్లడిస్తున్నాయి. భారత్​లో 94 శాతం, ప్రపంచ వ్యాప్తంగా 28 శాతం కొత్త కొవిడ్​ కేసులు బయటపడుతున్నాయి.

తొలి 10కి 9 నెలలు.. 30కి 3 నెలలు

ఇక మరణాల విషయానికొస్తే.. గత వారంలోనే కొవిడ్​ మృతుల సంఖ్య 30లక్షలు దాటినట్టు ప్రపంచ ఆరోగ్య సంస్థ గణాంకాలు తెలియజేస్తున్నాయి. ప్రపంచవ్యాప్తంగా తొలి 10లక్షల మరణాలు నమోదయ్యేందుకు 9 నెలల సమయం పట్టగా.. కేవలం మూడు నెలల్లోనే 30 లక్షలకు చేరింది.

ఇదీ చదవండి:చైనాలో 20 కోట్ల మందికి కరోనా వ్యాక్సిన్ పూర్తి