ఐరాస సిబ్బందికి ఉచితంగా రష్యా వ్యాక్సిన్!

రష్యా తయారు చేసిన కరోనా వ్యాక్సిన్​ను... ఐక్యరాజ్య సమితి(ఐరాస), దాని అనుబంధ సంస్థల సిబ్బందికి ఉచితంగా అందిస్తామని ఆ దేశ అధ్యక్షుడు వ్లాదిమిర్​ పుతిన్​ ప్రకటించారు. అయితే ఐరాస మాత్రం దీనిపై స్పందించలేదు.

ఐక్యరాజ్య సమితి(ఐరాస) స్థాపించి 75ఏళ్లు పూర్తి చేసుకున్న సందర్భంగా రష్యా అధ్యక్షుడు వ్లాదిమిర్​ పుతిన్​... ఓ బంపర్​ ఆఫర్​ ప్రకటించారు. తమ దేశం తయారు చేసిన కొవిడ్-19 వ్యాక్సిన్ 'స్పుత్నిక్​-వీ'ని ఐరాస, దాని అనుబంధ సంస్థల సిబ్బందికి ఉచితంగా వేయిస్తామన్నారు.

"ఐరాస కార్యాలయ సిబ్బందికి అవసరమైన సహాయం చేయడానికి రష్యా సిద్ధంగా ఉంది. ముఖ్యంగా మా టీకాను ఐరాస ఉద్యోగులకు, వ్యాక్సిన్​ కోసం స్వచ్ఛందంగా పనిచేసే దాని అనుబంధ సంస్థలకు ఉచితంగా సరఫరా చేయాలని ప్రతిపాదించాం."

-వ్లాదిమిర్​ పుతిన్​, రష్యా అధ్యక్షుడు

దీనిపై ఐరాస ఏ విధమైన స్పందన తెలియజేయలేదు. అయితే ప్రపంచ ఆరోగ్య సంస్థ ప్రతినిధి డాక్టర్​ మార్గరేట్​ హ్యారిస్...​ పుతిన్ ఆఫర్​ను తిరస్కరించారు.

ఇదీ చూడండి:కరోనా అంటే ఇటలీలో అందమైన ప్రదేశం:ట్రంప్