ప్రధాని నోట 'కరోనాతో సహజీవనం' మాట

కరోనా మహమ్మారితో 6 నెలల నుంచి ఏడాది పాటు సహజీవనం చేసే పరిస్థితులు తలెత్తొచ్చన్నారు పాక్​ ప్రధానమంత్రి ఇమ్రాన్​ ఖాన్. వైరస్​కు వ్యాక్సిన్​ ఎప్పుడొస్తుందో చెప్పలేనన్న ఆయన.. ఈ మేరకు ఆసక్తికర వ్యాఖ్యలు చేశారు. ప్రాణాంతక వైరస్​తో తమ దేశ ప్రజలు జాగ్రత్తగా ఉండాలని హెచ్చరించారు.

కరోనా మహమ్మారిపై ఆసక్తికర వ్యాఖ్యలు చేశారు పాకిస్థాన్​ ప్రధానమంత్రి ఇమ్రాన్​ఖాన్​. "ప్రాణాంతక వైరస్​కు వ్యాక్సిన్​ ఎప్పుడు అందుబాటులోకి వస్తుందో చెప్పలేను. అందుకే కరోనాతో 6 నెలల నుంచి ఏడాది పాటు సహజీవనం చేసే పరిస్థితులు రావొచ్చు" అని అన్నారు ఇమ్రాన్​​. పాక్​లో కొవిడ్​-19 కేసులు తాజాగా 19వేలు దాటిన నేపథ్యంలో ఆయన ఈ వ్యాఖ్యలు చేశారు​. మహమ్మారిపై జరుగుతున్న యుద్ధాన్ని బలంతో కాకుండా యుక్తితో గెలవొచ్చని అభిప్రాయపడ్డారు పాక్ ప్రధాని.

పాక్​లో 19వేలు దాటిన కేసులు

పొరుగుదేశమైన పాకిస్థాన్​లో కరోనా కేసులు రోజురోజుకూ పెరుగుతున్నాయి. తాజాగా అక్కడ మరో 989 మందికి వైరస్​ సోకినట్లు నిర్ధరణ అయింది. వీరితో కలిపి పాక్​లో ఇప్పటివరకు కొవిడ్​-19 మొత్తం కేసులు 19,103కు చేరాయి. ఇందులో 440 మంది మరణించారు. 4,817 మంది వైరస్​ బారినుంచి కోలుకున్నారు. పాకిస్థాన్​లో ప్రస్తుతం 13,846 యాక్టివ్​ కేసులున్నాయి.

ఇదీ చూడండి : కరోనా భయాలు బేఖాతరు- పార్క్​లు, బీచ్​లలో జనం షికారు