'మరోమారు భారత్​ జోలికి వెళ్తే అంతే సంగతి'

భారత్​పై మరో ఉగ్రదాడికి జరిగితే పాకిస్థాన్​కు ముప్పు తప్పదని అమెరికా హెచ్చరించింది. ఉగ్రవాదాన్ని నిర్మూలించేందుకు నిర్మాణాత్మక కార్యక్రమాలు చేపట్టాలని పాక్​కు సూచించింది.

భారత్​పై మరోసారి ఉగ్రదాడి జరిగితే ముప్పు తప్పదని పాక్​ను హెచ్చరించింది అమెరికా. ఉగ్రవాద నిర్మూలనకు నిర్మాణాత్మక చర్యలు చేపట్టాలని సూచించింది.

"ఉగ్రమూకల్ని అణచివేసేందుకు పాకిస్థాన్ తీసుకునే చర్యల్ని చూడాలనుకుంటున్నాం. దక్షిణాసియా ప్రాంతంలో ఉద్రిక్తతలు తగ్గేలా జైషే మహ్మద్, లష్కరే తోయిబా సంస్థలపై చర్యలు చేపట్టాలి"-శ్వేతసౌధఅధికారి.

కశ్మీర్​లోని పుల్వామాలో ఫిబ్రవరి 14న సీఆర్​పీఎఫ్​ వాహనంపై జరిగిన ఉగ్రదాడి అనంతరం భారత్, పాక్ మధ్య ఉద్రిక్త పరిస్థితులు నెలకొన్నాయి. పాకిస్థాన్​ వైఖరిని అంచనా వేయడానికి ఇదే సరైన సమయమని వ్యాఖ్యానించింది అమెరికా.

పాక్​ గతంలో కొంతమంది ఉగ్రవాదుల్ని అరెస్టు చేసి మళ్లీ విడిచిపెట్టిన ఘటనలను గుర్తు చేసింది అగ్రరాజ్యం. పాకిస్థాన్​​ నుంచి మరిన్ని కఠిన చర్యలు ఆశిస్తున్నట్టు అమెరికా స్పష్టం చేసింది.