భారత్​- పాక్​​ ప్రకటనపై అమెరికా ఏమందంటే?

సరిహద్దులో శాంతి స్థాపనే లక్ష్యంగా భారత్​- పాకిస్థాన్​ చేసిన సంయుక్త ప్రకటనపై అమెరికా స్పందించింది. దక్షిణాసియాలో గొప్ప శాంతి స్థాపనకు ఇది కీలకమైన చర్య అని పేర్కొంది.

నియంత్రణ రేఖతో పాటు ఇతర సెక్టార్లలో కాల్పులు విరమణ ఒప్పందానికి కట్టుబడి ఉండాలని భారత్​- పాకిస్థాన్​ చేసిన సంయుక్త ప్రకటనను అమెరికా స్వాగతించింది. దక్షిణాసియాలో గొప్ప శాంతి, స్థిరత్వం సాధించడంలో ఇది ఓ సానుకూల చర్య అని పేర్కొంది. ఈ మేరకు శ్వేతసౌధ ప్రెస్​ సెక్రెటరీ జెన్​సాకి తెలిపారు.

"కాల్పుల విరమణ ఒప్పందానికి సంబంధించి భారత్​, పాక్​ చేసిన సంయుక్త ప్రకటనను అమెరికా స్వాగితిస్తోంది. దక్షిణాసియాలో గొప్ప శాంతిని సాధించే దిశలో ఇది కీలకమైన ముందడుగు. ఇందులో పురోగతి సాధించడానికి ఇరు దేశాలను మేము ప్రోత్సహిస్తాం. "

-జెన్​ సాకి, వైట్​హౌస్​ ప్రెస్​ సెక్రెటరీ.

ఈ ప్రాంతంలోని అధికారులు, నేతలతో బైడెన్​ యంత్రాంగం సన్నిహితంగా ఉందని జెన్​ సాకి తెలిపారు. ఉగ్రవాదానికి వ్యతిరేకంగా పాక్​ తగిన చర్యలు ఎంత మేరకు తీసుకుంటుందనేది.. నిఘా శాఖ పరిశీలిస్తోందని చెప్పారు.

ఇదీ చదవండి:మహిళను చంపి గుండెతో ఆలుగడ్డ కూర!