'అణ్వస్త్ర రహిత దేశంగా నిరూపించుకుంటేనే...'
ఇరాన్తో చర్చల అంశంపై అమెరికా విదేశాంగ మంత్రి పాంపియో మాటమార్చారు. తొలుత ఎలాంటి ముందస్తు షరతులు లేకుండానే టెహ్రాన్తో చర్చలను సిద్ధమని ప్రకటించిన ఆయన.. తన వ్యాఖ్యలను సవరించుకున్నారు.
అణ్వస్త్ర రహిత దేశంగా ఇరాన్ నిరూపించుకుంటేనే షరతులు లేకుండా చర్చలు జరుపుతామన్నారు పాంపియో. అయితే.. ఇరు దేశాల మధ్య కొద్ది కాలంగా నెలకొన్న పరిస్థితుల్ని చూస్తే ఈ అంశం ప్రయోజనం కలిగించేదే. అమెరికా చర్య... ద్వైపాక్షిక సంబంధాల మెరుగుకు కృషి చేస్తుందని భావిస్తున్నారు విశ్లేషకులు.
ఇరాన్ అణ్వస్త్ర కార్యక్రమంపై విధించిన ఆంక్షల ఎత్తివేతకు సంబంధించి ఏం మాట్లాడలేదు పాంపియో. ఇరు దేశాల మధ్య మర్యాదపూర్వకమైన చర్చలు జరగాలని ఇరాన్ అధ్యక్షుడు హసన్ రౌహానీ వ్యాఖ్యానించిన అనంతరం ఇలా మాట్లాడారు పాంపియో.