తాలిబన్ల చేతికి 'కిల్​ లిస్ట్​'.. ఇచ్చింది అమెరికానే!

అఫ్గాన్​ వ్యవహారంలో అమెరికా తీసుకుంటున్న నిర్ణయాలు బెడిసి కొడుతున్నాయి(US afghanistan). ఇందుకు సంబంధించిన మరో వార్త బయటకు వచ్చింది. ఇన్నేళ్లు తమకు సహాయం చేసిన అఫ్గానీల పేర్లతో కూడిన ఓ జాబితాను స్వయంగా అమెరికా వెళ్లి తాలిబన్ల చేతికి ఇచ్చినట్టు తెలుస్తోంది. ఇప్పటికే అఫ్గానీలను వేటాడి వెంటాడుతున్న తాలిబన్లు(taliban news) ఈ జాబితాలోని ప్రజలను ఏం చేస్తారనే ఆందోళన నెలకొంది.

అఫ్గానిస్థాన్​ వ్యవహారంలో అమెరికా(US afghanistan)కు ఏదీ కలిసిరావడం లేదు. ఎలాంటి నిర్ణయం తీసుకున్నా బెడిసి కొడుతోంది. దళాలు హడావుడిగా వెనుదిరగడం(US afghanistan withdrawal) నుంచి ఇప్పటివరకు అగ్రరాజ్య వైఖరిలో ఎన్నో లోపాలు ఉన్నట్టు విమర్శలు వెల్లువెత్తుతున్నాయి. దీనికి మరింత బలం చూకూరుస్తూ.. అమెరికాకు సంబంధించి మరో వార్త బయటకు వచ్చింది. ఇన్నేళ్లు తమకు సహాయం చేసిన అఫ్గానీల పేర్లతో కూడిన ఓ జాబితాను స్వయంగా అమెరికా వెళ్లి తాలిబన్ల చేతికి ఇచ్చినట్టు తెలుస్తోంది.

'కిల్​ లిస్ట్​..'

కాబుల్​ను తాలిబన్ల వశమైన అనంతరం వారికి అమెరికా ఓ జాబితాను అందించిందని ఓ వార్తా సంస్థ కథనం ప్రచురించింది. అందులో అమెరికా పౌరులు, గ్రీన్​కార్డ్​ హోల్డర్లు, ఇన్నేళ్లు తమకు సహాయం చేసిన అఫ్గాన్​ ప్రజల వివరాలు ఉన్నాయి. ఈ జాబితాను తాలిబన్లకు అందిస్తే, ప్రజల తరలింపు ప్రక్రియ త్వరగా పూర్తవుతుందని అగ్రరాజ్యం భావించింది. కానీ ఇక్కడే కథ అడ్డం తిరిగినట్టు తెలుస్తోంది.

ఇన్నేళ్లు అమెరికాకు సహాయం చేసిన అఫ్గానీలను వెంటాడి వేటాడుతున్నారు తాలిబన్లు. అందరినీ క్షమిస్తున్నామని బయటకు చెబుతూనే.. ఇళ్లు, కార్యాలయాలను తనిఖీ చేసి, ఇన్నేళ్లు తమకు వ్యతిరేకంగా చర్యలు చేపట్టిన వారిని పట్టుకుంటున్నారు. ఇంత జరుగుతున్నప్పుడు.. స్వయంగా అమెరికానే వెళ్లి తాలిబన్ల(taliban news latest)కు జాబితా ఇవ్వడం గమనార్హం. ఈ జాబితాను తాలిబన్లు 'కిల్​ లిస్ట్​'గా పరిగణించే ప్రమాదం ఉంది.

ఇదీ చూడండి:-ISIS Kabul Attack: ఏంటీ ఐసిస్​-కే? తాలిబన్లకు శత్రువా?

ఈ జాబితా వ్యవహారాన్ని బైడెన్​ ఖండించకపోవడం(biden on afghanistan) గమనార్హం. తనకు ఎలాంటి సమాచారం లేదని మాత్రామే ఆయన వ్యాఖ్యానించారు.

అమెరికా నిర్ణయంపై ఆ దేశ చట్టసభ్యులు, మిలిటరీ అధికారులు తీవ్రంగా మండిపడుతున్నారు. జాబితాలో ఉన్న అఫ్గానీల ప్రాణాలకు ముప్పుపొంచి ఉందని ఆవేదన వ్యక్తం చేశారు.

అమెరికా అధికారులు మాత్రం తమ చర్యలను సమర్థించుకుంటున్నారు. అమెరికా పౌరులకు.. ప్రమాదం తలపెట్టకూడదన్న అభిప్రాయంతోనే జాబితా తాలిబన్లకు ఇచ్చామని అంటున్నారు.

'ప్రతీకారం తీర్చుకుంటాం...'

కాబుల్​లో గురువారం ఆత్మహుతి దాడులు(Kabul airport blast) జరగ్గా 100 మందికిపైగా ప్రాణాలు కోల్పోయారు. మృతుల్లో అమెరికా సైనికులు కూడా ఉన్నారు. ఈ ఘటనను తీవ్రంగా ఖండించిన బైడెన్​.. ఉగ్రమూకలను వేటాడి మరీ ప్రతీకారం తీర్చుకుంటామని స్పష్టం చేశారు. ఇతరుల ప్రాణాలను కాపాడేందుకు అమెరికా.. తన ప్రాణాలను ఫణంగా పెట్టిందన్నారు బైడెన్. తాము ప్రమాదకర మిషన్​ను కొనసాగిస్తున్నామన్నారు. బాంబు దాడులు జరిగినా కాబుల్‌ నుంచి తరలింపు ప్రక్రియ(Kabul evacuation) ఆగదని స్పష్టం చేశారు.

కాబుల్ విమానాశ్రయం వద్ద జంట ఆత్మాహుతి పేలుళ్లకు(kabul airport blast) పాల్పడింది తామే అని ప్రకటించింది ఐసిస్​-కే(isis-k attacks) ఉగ్రసంస్థ.

బ్రిటన్​ కూడా...!

అత్యంత జాగ్రత్తగా ఉండాల్సిన సమయంలో అమెరికాలాగే.. బ్రిటన్​ కూడా తప్పులుచేసింది. కాబుల్​లోని తమ రాయబార కార్యాలయాన్ని హడావిడిగా ఖాళీ చేస్తున్న సమయంలో కొన్ని కీలక పత్రాలను భద్రపరచడం మర్చిపోయారు అక్కడి అధికారులు. అప్పటివరకు బ్రిటన్​కు సహాయం చేసిన అఫ్గానీల సిబ్బంది, ఉద్యోగం కోసం దరఖాస్తు చేసుకున్న అఫ్గానీల పేర్లు అందులో ఉన్నట్టు తెలుస్తోంది. పత్రాలను భద్రపరచకపోవడం తప్పేనని, ఈ ఘటనను తీవ్రంగా పరిగణించినట్టు బ్రిటన్​ రక్షణాధిపతి వెల్లడించారు. ఈ వ్యవహారంపై ప్రధానమంత్రి బోరిస్​ జాన్సన్​ ఆరా తీస్తారని స్పష్టం చేశారు.

ఇదీ చూడండి:-అమెరికా వదిలేసిన హెలికాప్టర్లతో తాలిబన్ల 'టెస్ట్ ​రైడ్'​!