తైవాన్కు స్వయంప్రతిపత్తిని ఇవ్వడానికి నిరాకరిస్తూ, అక్రమాలకు పాల్పడుతున్న చైనాపై అమెరికా అసహనం వ్యక్తం చేసింది. తైవాన్ను సైనిక, ఆర్థిక, దౌత్యపరమైన ఒత్తిడులకు గురిచేయవద్దని డ్రాగన్కు సూచించింది. అందుకు బదులుగా అర్థవంతమైన చర్చలు జరిపి సమస్యలు పరిష్కరించుకోవాలని హితవు పలికింది. ఈ మేరకు అమెరికా అధికార ప్రతినిధి నెడ్ ప్రైస్ శనివారం తెలిపారు.
ఆ సహాయాన్ని కొనసాగిస్తాం..
ఇండో-పసిఫిక్ ప్రాంతంతో తమ సంబంధాలను బలోపేతం చేసేందుకు అమెరికా కట్టుబడి ఉంటుందని ప్రైస్ తెలిపారు. సరిహద్దు సమస్యలను పరిష్కరించడంలో శాంతియుత మార్గానికి అమెరికా మద్దతునిస్తుందని చెప్పారు. తైవాన్ ఆత్మరక్షణ చర్యల్లో తమ సహాయాన్ని కొనసాగిస్తామని తెలిపారు. తైవాన్తో అమెరికా బంధం దృఢమైనదని పేర్కొన్నారు.