ఆల్ట్రాసౌండ్ ప్రకంపనాలకు పలు రకాల కరోనా వైరస్లు నాశనమయ్యే అవకాశముందని మసాచుసెట్స్ ఇన్స్టిట్యూట్ ఆఫ్ టెక్నాలజీ పరిశోధకులు పేర్కొన్నారు. 25 నుంచి 100 మెగాహెడ్జ్ల ధ్వని ప్రకంపనాలకు వైరస్ కొమ్ములు వాలిపోయి, చిటికెలోనే విరిగిపోతాయని గుర్తించారు. గాలి, నీటిలో ఉండే కరోనా వైరస్లపై ఆల్ట్రాసౌండ్ ప్రకంపనాలు తీవ్ర ప్రభావం చూపుతాయని తెలిపారు. వైరస్ కారణంగా తలెత్తే ఇన్ఫెక్షన్లకు ఈ విధానంలో చికిత్సలను రూపొందించే వీలుందని ప్రొఫెసర్ థామస్ విర్జ్బికి పేర్కొన్నారు.
పరిశోధనలో భాగంగా.. కరోనా వైరస్ భౌతిక గుణాలను నిపుణులు పరిగణనలోకి తీసుకుని, 100 మెగా హెడ్జ్ల ధ్వని ప్రకంపనాలను సృష్టించారు. వైరస్ పెంకుపై ఇవి ఎలాంటి ప్రభావం చూపుతాయన్నది కంప్యూటర్ మోడల్ ద్వారా అంచానా వేశారు.