శక్తిమంతమైన మేసాక్ తుపాను దక్షిణ కొరియా తీరంలో విధ్వంసం సృష్టించింది. తీరం దాటే ముందు తూర్పు దక్షిణ ప్రాంతాలపై భీకరంగా విరుచుకుపడింది. మేసాక్ ధాటికి వందలాది చెట్లు విరిగిపడ్డాయి. భారీ వర్షాలకు.. నదులు ఉప్పొంగి పరివాహక ప్రాంతాలని ముంచెత్తాయి.
ఆగమైన బతుకులు
తుపాను ధాటికి ఆవులు తరలిస్తున్న ఓ నౌక నీటమునిగింది. ఆ సమయంలో.. ఓడలో 5వేల 800 ఆవులు సహా 42 మంది.. సిబ్బంది ఉన్నారు. వీరి కోసం బుధవారం గాలింపు మొదలు కాగా.. సిబ్బందిలో ఫిలిప్పీన్స్‌కు చెందిన ఒకర్ని జపాన్ కోస్ట్ గార్డులు కాపాడారు.
తుపాను ధాటికి నీట మునిగిన 5,800 ఆవులు!
లక్షల ఇళ్లకు కరెంటు కట్
గంటకు 140 కి.మీల వేగంతో వీస్తున్న ఈదురు గాలులకు.. చెట్లు విరిగిపడ్డాయి. సైన్ బోర్డులు, విద్యుత్ స్తంభాలు కూలిపడ్డాయి. బూసాన్ రాష్ట్రంలో గాలులకు భవనం అద్దాలు పగిలి ఓ మహిళ మృతి చెందింది.