ఫిలిప్పీన్స్​వైపు దూసుకొస్తున్న 'కమ్మురి'

భీకర కమ్మురి తుపాను ఫిలిప్పీన్స్​లోని లుజాన్​ ద్వీపం వద్ద తీరం దాటే అవకాశముంది. ఈ నేపథ్యంలో అప్రమత్తమైన ఆ దేశ ప్రభుత్వం ముందు జాగ్రత్త చర్యగా వేలాదిమంది ప్రజలను సురక్షిత ప్రాంతాలకు తరలించింది.

ఫిలిప్పీన్స్​వైపు భీకర కమ్మురి తుపాను దూసుకొస్తోంది. నేటి ఆర్ధరాత్రి లేదా రేపు ఉదయం లుజాన్​ ద్వీపంలో తుపాను తీరం దాటే అవకాశముందని ఆ దేశ వాతావరణశాఖ అంచనా వేసింది. ఇప్పటికే ఈదురుగాలులు భీభత్సం సృష్టిస్తున్నాయి.

తుపాను నేపథ్యంలో ఫిలిప్పీన్స్​ ప్రభుత్వం అప్రమత్తమైంది. లుజాన్​ ద్వీపంలోని వేల మందిని పునరావాస కేంద్రాలకు తరలించింది. ఆహారపదార్థాలు సహా ఇతర నిత్యావసరాలను ఏర్పాటు చేసింది. ముందు జాగ్రత్త చర్యగా కొన్ని ప్రాంతాల్లో విద్యుత్​ సరఫరాను నిలిపివేశారు అధికారులు.

సముద్ర ప్రయాణాన్ని ఆపివేశారు. ఫలితాంగా పోర్టుల్లోనే అనేక మంది ప్రజలు చిక్కుకున్నట్టు తెలుస్తోంది.

30వ ఆగ్నేయాసియా​ క్రీడలకు ఫిలిప్పీన్స్​ ఆతిథ్యం ఇస్తున్న తరుణంలో ఈ తుపాను భయం ప్రజల్లో తీవ్ర కలకలం సృష్టిస్తోంది. ఈ పోటీల్లోని పలు క్రీడలను ఇప్పటికే వాయిదా వేశారు.