సంబరాల పేరుతో 17 మందిని కాల్చి చంపిన తాలిబన్లు

అఫ్గాన్​లోని పంజ్​షేర్ లోయ​లో(Talbian in Panjshir) విజయం సాధించామంటూ కొందరు తాలిబన్లు(Afghan taliban) గాల్లోకి కాల్పులు జరుపుతూ శుక్రవారం సంబరాలు చేసుకున్నారు. ఈ ఘటనలో 17మంది అఫ్గాన్​ పౌరులు ప్రాణాలు కోల్పోగా.. మరో 41 మంది గాయపడినట్లు తెలుస్తోంది.

తాలిబన్ల(Afghan taliban) అతి ప్రవర్తనకు 17 మంది బలయ్యారు! మరో 41 మంది గాయపడ్డారు. పంజ్‌షేర్‌లో(Talbian in Panjshir) పైచేయి సాధించామంటూ కొందరు తాలిబన్లు.. శుక్రవారం రాత్రి కాబుల్‌లో తిరుగుతూ సంబరాలు చేసుకున్నారు. ఈ సందర్భంగా గాలిలోకి కాల్పులు జరిపారు. తుపాకులు గురితప్పడం వల్ల ప్రాణనష్టం జరిగిందని 'టోలో టీవీ' వెల్లడించింది.

అయితే.. ఈ ఘటనలో ఇద్దరు మాత్రమే మృతిచెందారని, మరో 12 మంది గాయపడ్డారని కాబుల్‌లోని, ఎమర్జెన్సీ ఆస్పత్రి వర్గాలు తెలిపాయి. కాల్పుల ఘటనను తాలిబన్‌ అధికార ప్రతినిధి జబియుల్లా ముజాహిద్‌ ఖండించారు. ఈ పద్ధతిని వెంటనే మానుకోవాలని, కాల్పులు జరపవద్దని క్షేత్రస్థాయి నేతలకు సూచించారు.

ఇదీ చూడండి:Taliban Panjshir: తాలిబన్లపై షేర్​ 'పంజా'- 600 మంది హతం!

ఇదీ చూడండి:Afghan Crisis: పంజ్​షేర్ తాలిబన్ల వశమైందా?