Kabul Airport: కాబుల్​ ఎయిర్​పోర్ట్​లో మళ్లీ ఎగిరిన విమానం..!

అఫ్గానిస్థాన్​ నుంచి అమెరికా బలగాలు వెల్లిపోయిన తర్వాత కాబుల్​ విమానాశ్రయంలో(Kabul Airport) తొలి విమానం ఎగిరింది. ఈ మేరకు ట్విట్టర్​ వేదికగా ఓ వీడియోను షేర్​ చేశారు తాలిబన్​ ప్రతినిధి.

అఫ్గానిస్థాన్​ నుంచి అమెరికా బలగాలు స్వదేశానికి వెళ్లిపోయిన క్రమంలో కాబుల్​లోని హమిద్​ కర్జాయ్​ అంతర్జాతీయ విమానాశ్రయం(Kabul Airport) పూర్తిగా తాలిబన్ల(Afghanistan Taliban) చేతికి వెళ్లిపోయింది. ఆ తర్వాత అక్కడి నుంచి ఒక్క విమానం కూడా ఎగరలేదు. అయితే.. తాజాగా కాబుల్​ విమానాశ్రయంలో కతార్​ మిలిటరీకి చెందిన ఓ విమానం దిగినట్లు తాలిబన్​ మీడియా ప్రతినిధి ట్విట్టర్​ వేదికగా వెల్లడించారు.

కతార్​ మిలిటరీ విమానానికి సంబంధించిన ఫొటోతో పాటు వీడియోను ట్విట్టర్​లో పోస్ట్​ చేశారు తాలిబన్​ ప్రతినిధి అహ్మదుల్లా ముత్తాకి. కాబుల్​ విమానాశ్రయంలో మళ్లీ విమానం గర్జన వినిపించిందని రాసుకొచ్చారు.

గత మంగళవారం విమానాశ్రయంలో నిర్వహించిన మీడియా సమావేశంలో తాలిబన్లు కీలక ప్రకటన చేశారు. కొద్ది రోజుల్లో పౌరు విమాన సేవలు ప్రారంభమవుతాయని, అయితే.. మిలిటరీ సంబంధ కార్యకలాపాలు కాస్త ఆలస్యమయ్యే అవకాశం ఉన్నట్లు తెలిపారు.

ఇదీ చూడండి:Kabul Airport: తాలిబన్ల వశమయ్యాక కాబుల్​ ఎయిర్​పోర్ట్ ఇలా...