హిందీలో ట్వీట్..!

నోబెల్ శాంతి బహుమతికి తాను అర్హుడిని కాదని పాక్ ప్రధాని ఇమ్రాన్ ఖాన్ చేసిన ట్వీట్​ను హిందీలో పోస్ట్ చేసింది ఆయన పార్టీ పాకిస్థాన్ తెహ్రీక్-ఏ-ఇన్సాఫ్.

నోబెల్ శాంతి పురస్కారానికి తాను అర్హుడిని కాదని పాక్ ప్రధాని ఇమ్రాన్​ఖాన్​ చేసిన ట్వీట్​ను హిందీలో పోస్ట్​ చేసింది ఆయన పార్టీ పాకిస్థాన్ తెహ్రీక్​-ఏ-ఇన్సాఫ్. ఇమ్రాన్​ ఖాన్​కు నోబెల్​ పురస్కారం ఇవ్వాలనిఈ నెల రెండో తేదీనతీర్మానించింది ఆ దేశ పార్లమెంట్. పాక్​లో బందీగా ఉన్న భారత పైలట్ అభినందన్​ వర్ధమాన్​ను వెనక్కి పంపి ఇరు దేశాల మధ్య శాంతిని నెలకొల్పేందుకు కృషి చేశారని పాక్​ పార్లమెంటు ఇమ్రాన్​ను​ కొనియాడింది.

దీనిపై స్పందించారు పాక్ ప్రధాని ఇమ్రాన్. తాను నోబెల్ శాంతి బహుమతికి అర్హుడిని కాదని పేర్కొన్నారు.

"నోబెల్ శాంతి పురస్కారానికి నేను అర్హుడిని కాదు. కశ్మీర్ సమస్యను తీర్చిన వారికే నోబెల్​ శాంతి పురస్కారాన్ని అందించాలి. కశ్మీరీల మనోభావాలకు అనుగుణంగా శాంతిని, అభివృద్ధిని పెంపొందించిన వారికి అందించాలి." ట్విట్టర్​లో ఇమ్రాన్​ఖాన్, పాక్ ప్రధాని.