పాకిస్థాన్ ప్రభుత్వం ప్రజల హక్కులనుకాలరాస్తోందంటూ... గిల్గిత్ బాల్టిస్థాన్లో ఆందోళన నిర్వహించారు నిరసనకారులు. తప్పుడు ఆరోపణలు మోపి, అరెస్ట్ చేసిన హక్కుల సంఘాల నేతలను వెంటనే విడుదల చేయాలని డిమాండ్ చేశారు. పాక్ ఆక్రమిత కశ్మీర్(పీఓకే)లోని గిల్గిత్ బాల్టిస్థాన్లో రాజకీయ స్థితిని మార్చాలని యత్నిస్తున్న పాక్ ప్రభుత్వానికి వ్యతిరేకంగా భారీ ర్యాలీ చేపట్టారు.
ప్రాణ త్యాగానికైనా..
గిల్గిత్ బాల్టిస్థాన్లో పాక్ ప్రభుత్వానికి వ్యతిరేకంగా నిరసనలు!
పీఓకేలోని ముజఫరాబాద్ నగరంలో ఆదివారం.. జమ్ముకశ్మీర్ లిబరేషన్ ఫ్రంట్, స్టూడెంట్ లిబరేషన్ ఫ్రంట్ నేతలు.. పాక్ ప్రభుత్వానికి వ్యతిరేకంగా ఆందోళన నిర్వహించారు. గిల్గిత్ బాల్టిస్థాన్కు రాష్ట్ర హోదా కల్పించాలని యత్నిస్తున్న పాక్ ప్రభుత్వం.. వెనక్కి తగ్గాలని డిమాండ్ చేశారు. ఈ పోరాటంలో ప్రాణ త్యాగానికైనా సిద్ధమేనని తేల్చిచెప్పారు.