మయన్మార్ సైనిక తిరుగుబాటును నిరసిస్తూ చేస్తోన్న ఆందోళనలు భగ్గుమన్నాయి. దేశ ఆర్థిక రాజధాని నగరమైన యాంగూన్లో రోడ్డెక్కిన ఆందోళనకారులు.. 'మిలటరీ నియంతృత్వం నశించాలి', 'ప్రజాస్వామ్యం కావాలి' అనే నినాదాలతో ర్యాలీ చేపట్టారు. నిర్బంధంలో ఉన్న తమ నాయకురాలు ఆంగ్ సాన్ సూకీని తక్షణమే విడుదల చేయాలని డిమాండ్ చేస్తూ.. ప్లకార్డులు ప్రదర్శించారు.
యాంగూన్లో రోడ్లపై ర్యాలీ చేపట్టిన నిరసనకారులు
గత శనివారం ఆందోళనలు మరింత ఉద్ధృతం కావడం వల్ల.. ఇంటర్నెట్‌ సేవలను పరిమితం చేసింది సైన్యం. అయితే.. ఆదివారం వీటిని పునరుద్ధరించినట్టు సమాచారం.