మయన్మార్లో సైనిక తిరుగుబాటుకు వ్యతిరేకంగా ఆందోళన చేస్తోన్న ప్రజలపై భద్రతా బలగాలు ఉక్కుపాదం మోపుతున్నాయి. మండలయ్ నగరంలో శాంతియుతంగా నిరసన వ్యక్తం చేస్తున్న ప్రజలపై కాల్పులు జరిపారు. ఈ ఘటనలో 33 మంది మృతి చెందినట్లు స్థానిక మీడియా వెల్లడించింది. ఈ ఘర్షణల్లో చాలా మంది తీవ్రంగా గాయపడ్డారు. మృతుల్లో 14 ఏళ్ల బాలుడు ఉన్నట్లు తెలిసింది. ఫిబ్రవరి 1 నుంచి ఇంత మంది ప్రాణాలు కోల్పోవటం ఇదే తొలిసారి. మింగ్యాన్ నగరంలో ఆందోళన కారులను చెదరగొట్టాడానికి పోలీసులు బాష్ప వాయువు, రబ్బరు బుల్లెట్లు ప్రయోగించారు.
మయన్మార్లో నిరసనకారులపై పోలీసులు కాల్పులు
సైనిక తిరుగుబాటుకు వ్యతిరేకంగా ప్రతిరోజు ప్రజలు నిరసన చేపడుతున్నారు. పోలీసులు వారిపై తమ జులుంను ప్రదర్శిస్తూనే ఉన్నారు. గత ఆదివారం పోలీసులు, ఆందోళన కారుల మధ్య ఘర్షణలో 18మంది మృతి చెందినట్లు ఐరాస మానవ హక్కలు కమిషన్ అంచనా వేసింది.
సైనిక తిరుగుబాటు