ఫిలిప్పీన్స్​లో తుపాను బీభత్సం -13మంది గల్లంతు

ఫిలిప్పీన్స్​లో మొలావే తుపాను బీభత్సం సృష్టించింది. తుపాను ధాటికి 13మంది గల్లంతయ్యారు. దాదాపు 25వేల మందిని సురక్షిత ప్రాంతాలకు తరలించారు అధికారులు. మరో 20వేల మందిని విద్యాలయాల్లో , ప్రభుత్వ భవనాల్లోని పునరావాస కేంద్రాలకు తరలించామని రక్షణ అధికారి తెలిపారు.

మొలావే తుపాను బీభత్సానికి ఫిలిప్పీన్స్ చిగురుటాకులా వణికిపోయింది. సుమారు 13 మంది గల్లంతయ్యారు. అందులో 12మంది మత్స్య కారులు ఉన్నారు. వేల మందిని విపత్తు నిర్వాహక బృందం సురక్షిత ప్రాంతాలకు తరలించింది.

తుపాను దక్షిణ చైనా సముద్రం మీదుగా గంటకు 125కిలోమీటర్ల వేగంతో పయనిస్తుంది. తుపాను ధాటికి ఫిలిప్పీన్స్​ రాజధాని మనీలా నగరం అతలాకుతలం అయ్యింది.

ఫిలిప్పీన్స్​లో తుపాను బీభత్సం

భారీ తుపానుతో ఓరియంటర్​ మిండోరో రాష్ట్రంలో పంటలు ధ్వంసం అయ్యాయని ఆ రాష్ట్ర గవర్నర్ హూమర్​లిటో డాలర్​ తెలిపారు. చెట్లు నేలకొరిగి విద్యుత్తు సరఫరాకు తీవ్ర అంతరాయం కలిగిందన్నారు. రోడ్లపైన పడిన చెట్లను, చెత్తను తొలగిస్తున్నట్లు వివరించారు.