అసత్య ప్రచారాల ద్వారా అసలు సమస్య నుంచి దృష్టి మరల్చేందుకు పాకిస్థాన్ చేసిన ప్రయత్నాలు మరోసారి విఫలమయ్యాయని ఐరాసలో భారత శాశ్వత ప్రతినిధి సయ్యద్ అక్బరుద్దీన్ విమర్శించారు. కశ్మీర్ అంశంపై పాకిస్థాన్, చైనాలకు ఐక్యరాజ్యసమితి భద్రతా మండలిలో భంగపాటు ఎదురైన నేపథ్యంలో ఆయన ఈ వ్యాఖ్యలు చేశారు.
'కశ్మీర్పై పాక్ కుట్రలకు తగిన జవాబు'
"ఈ సమావేశంలోని ఫలితాలు మేము ఉహించినవే. గందరగోళాన్ని సృష్టించాలన్న పాకిస్థాన్ ప్రతినిధుల ప్రణాళికలు విఫలమవడం సంతోషకరం. కశ్మీర్ అంశంపై ఐరాస వేదికగా వారు చేసిన ఆరోపణలు నిరాధారమైనవని మరోసారి రుజువైంది. ఈ సంకేతాలను దృష్టిలో పెట్టుకుని భారత్తో సంబంధాలను మెరుగుపరుచుకునే విధంగా పాకిస్థాన్ అడుగులు వేయాలని ఆశిస్తున్నాం."
- సయ్యద్ అక్బరుద్దీన్, ఐరాసలో భారత శాశ్వత ప్రతినిధి.