పాకిస్థాన్​కు ఎదురుదెబ్బ- మళ్లీ గ్రే జాబితాలోనే

19:48 October 23

ఇప్పటికే తీవ్రమైన ఆర్థిక సమస్యలతో అల్లాడుతున్న పాకిస్థాన్​‌కు అంతర్జాతీయ ఆర్థిక సాయం పొందే విషయంలో గట్టి ఎదురుదెబ్బ తగిలింది. ఉగ్రవాదులకు ఆర్థిక సహకారం, మనీలాండరింగ్‌ నేరాలకు పాల్పడుతుందనే కారణంతో పాకిస్థాన్​‌ను గ్రే జాబితాలో చేర్చిన ఫైనాన్షియల్‌ యాక్షన్‌ టాస్క్‌ఫోర్స్ (ఎఫ్​ఏటీఎఫ్).. పాక్‌ను అదే స్థానంలో కొనసాగించాలని నిర్ణయించింది. శుక్రవారంతో ముగిసిన టాస్క్‌ఫోర్స్‌ సమావేశాల్లో ఈ మేరకు నిర్ణయం తీసుకున్నారు.

తాము సూచించిన 27 సూత్రాల కార్యాచరణను పాటించిందా లేదా అన్న అంశం సమీక్షించిన ఎఫ్​ఏటీఎఫ్​.. పాకిస్థాన్​‌ను గ్రే జాబితాలో కొనసాగించేందుకే మొగ్గు చూపింది. ఎఫ్​ఏటీఎఫ్​.. పాకిస్థాన్​ను 2018 జూన్‌లో గ్రే జాబితాలో చేర్చింది. ఈ టాస్క్‌ఫోర్స్‌ గ్రే జాబితాలో ఉండే దేశాలకు ప్రపంచ బ్యాంకు సహా వివిధ అంతర్జాతీయ సంస్ధల నుంచి ఆర్థిక సాయం పొందడంలో ఇబ్బందులు ఎదురవుతాయి. గ్రే జాబితా నుంచి బయటపడేందుకు ఈ ఏడాది ఆగస్టులో జైషే మహ్మద్‌, జమాతే దువా సహా 88 నిషేధిత ఉగ్రవాద సంస్ధలపై పాకిస్థాన్‌ ఆర్థిక ఆంక్షలను విధించింది. అయినా ఎఫ్​ఏటీఎఫ్​ సంతృప్తి చెందలేదు. 

19:24 October 23

పాకిస్థాన్​కు ఎదురుదెబ్బ- మళ్లీ గ్రే జాబితాలోనే

• పాకిస్థాన్‌ను గ్రే జాబితాలో కొనసాగిస్తున్నట్లు ఎఫ్‌ఏటీఎఫ్‌ వెల్లడి
• 2018 జూన్‌లో పాకిస్థాన్‌ను గ్రే జాబితాలో చేర్చిన ఫైనాన్షియల్‌ యాక్షన్‌ టాస్క్‌ఫోర్స్‌
• 2021 జూన్‌ వరకు పాకిస్థాన్‌ గ్రే జాబితాలోనే ఉండే అవకాశం
• పాకిస్థాన్‌కు అంతర్జాతీయ ఆర్థిక సాయం పొందే విషయంలో గట్టి ఎదురుదెబ్బ
• ఉగ్రవాదులకు ఆర్థిక సహకారం అందిస్తున్నట్లు పాకిస్థాన్‌పై ఆరోపణలు
• మనీలాండరింగ్‌ నేరాలకు పాల్పడుతున్నారని పాకిస్థాన్‌పై ఆరోపణలు