చైనాకు పాకిస్థాన్​ షాక్- టిక్​టాక్​పై నిషేధం

చైనాకు మిత్రదేశం పాకిస్థాన్​ షాకిచ్చింది. ప్రముఖ వీడియో షేరింగ్ యాప్​ టిక్​టాక్​పై నిషేధం విధించింది. ఈ యాప్​లో అనైతిక, అసభ్యకర సమాచారానికి వ్యతిరేకంగా ఫిర్యాదులు అందటం వల్ల ఈ నిర్ణయం తీసుకున్నట్లు పాక్ స్పష్టం చేసింది.

చైనాకు చెందిన ప్రముఖ వీడియో యాప్​ టిక్​టాక్​పై పాకిస్థాన్​ నిషేధం విధించింది. అనైతిక, అసభ్యకర కంటెంట్​కు వ్యతిరేకంగా వివిధ వర్గాల నుంచి ఫిర్యాదులు అందిన నేపథ్యంలో ఈ నిర్ణయం తీసుకున్నట్లు టెలీకమ్యూనికేషన్​ శాఖ తెలిపింది.

టిక్​టాక్​లో వస్తున్న కంటెంట్​కు సంబంధించి సంస్థకు చివరి నోటీసులు జారీ చేశామని, వారు స్పందించేందుకు కావాల్సిన సమయం ఇచ్చినట్లు తెలిపింది. అయితే, ఆ సంస్థ పూర్తి నిబంధనలు పాటించటంలో విఫలమైన కారణంగా దేశంలో నిషేధం విధించామని ఓ ప్రకటనలో తెలిపింది.

ఇదీ చూడండి:ఐరాసలో పాక్ ప్రయత్నాలకు భారత్ బ్రేకులు