17:58 May 22
పాకిస్థాన్లో విమాన ప్రమాదంపై భారత ప్రధాని మోదీ విచారం వ్యక్తంచేశారు. ఈ ఘటనలో మృతి చెందిన వారి కుటుంబ సభ్యులకు సంతాపం తెలియజేశారు. ఈ మేరకు ట్విట్టర్లో తన సందేశం పెట్టారు.
"పాకిస్థాన్లో విమాన ప్రమాద వార్త విని దిగ్భ్రాంతికి గురయ్యా. మృతుల కుటుంబ సభ్యులకు నా ప్రగాఢ సానుభూతి తెలియజేస్తున్నా. గాయాలపాలైన వారు త్వరగా కోలుకోవాలని ప్రార్థిస్తున్నాను" అని ట్వీట్‌లో పేర్కొన్నారు.
ఈ ప్రమాదంలో సిబ్బంది, ప్రయాణికులు కలిపి మొత్తం 107 మంది మృతి చెందారు.
16:56 May 22
విమాన ప్రమాదంపై పాకిస్థాన్ ప్రధాని ఇమ్రాన్ ఖాన్ దిగ్భ్రాంతి వ్యక్తం చేశారు. సహాయకచర్యలు ముమ్మరం చేసినట్లు తెలిపారు. వెంటనే దర్యాప్తునకు ఆదేశించినట్లు చెప్పారు.
16:55 May 22
పాకిస్థాన్ కరాచీలో ఘోర ప్రమాదం జరిగింది. జిన్నా అంతర్జాతీయ విమానాశ్రయం సమీపంలో పాకిస్థాన్ అంతర్జాతీయ ఎయిర్లైన్స్(పీఐఏ)కు చెందిన ఓ విమానం కుప్పకూలింది. విమానంలో 99 మంది ప్రయాణికులు సహా 8 మంది సిబ్బంది ఉన్నట్లు సమాచారం. ల్యాండ్ అవడానికి ఒక్క నిమిషం ముందే ఈ ప్రమాదం జరిగింది. ప్రయాణికుల పరిస్థితి ఇంకా తెలియరాలేదు.
విమానాశ్రయం దగ్గర్లో ఉన్న మాలిర్ ప్రాంతంలోని మోడల్ కాలనీ వద్ద ఈ ప్రమాదం జరిగింది. ఆ ప్రాంతంలోని పలు ఇళ్లు ధ్వంసమయ్యాయి.
సైన్యం, సింధ్ పాకిస్థాన్ రేంజర్స్ దళాలు ఘటానాస్థలానికి హుటాహుటిన చేరుకుని సహాయక చర్యలు చేపట్టాయి. కరాచీలో ఉన్న అన్నీ ఆసుపత్రులకు పాక్ ఆరోగ్యమంత్రి అత్యవసర సందేశం పంపినట్లు పాక్ మీడియో చెబుతోంది.
16:06 May 22
ఒక్క నిమిషం ముందు...
పాకిస్థాన్ కరాచీలో ఘోర ప్రమాదం జరిగింది. లాహోర్ నుంచి కరాచీ వెళ్తున్న ఓ పాసింజర్ విమానం జిన్నా అంతర్జాతీయ విమానాశ్రయం దగ్గర్లో కూలిపోయింది. ల్యాండ్ అవడానికి ఒక్క నిమిషం ముందే ఈ ప్రమాదం సంభవించినట్లు సమాచారం. అయితే విమానంలో 100 మంది వరకు ఉన్నట్లు పాక్ మీడియా చెబుతోంది.
ప్రమాదానికి గురైన విమానం పాకిస్థాన్ అంతర్జాతీయ ఎయిర్లైన్స్ (పీఐఏ)కు సంబంధించిన పీకే-303గా గుర్తించారు.
16:01 May 22
పాకిస్థాన్ కరాచీలో విమానం కుప్పకూలింది. విమానంలో 100 మంది ప్రయాణికులు ఉన్నట్లు సమాచారం. కరాచీ విమానాశ్రయానికి 4 కి.మీ దూరంలో విమానం కూలిపోయింది. జనావాసాల మధ్య కూలడం వల్ల నాలుగు ఇళ్లు ధ్వంసమయ్యాయి.
ఆర్మీ, పోలీసు బృందాలు ఘటనాస్థలిలో సహాయ చర్యలు చేపట్టాయి. లాహోర్ నుంచి విమానం కరాచీకి వెళ్తుండగా ప్రమాదం జరిగింది.
15:51 May 22
పాకిస్థాన్ కరాచీలో కూలిన విమానం
పాకిస్థాన్ కరాచీ విమానాశ్రయం వద్ద ఓ విమానం కూలిపోయింది. విమానం లాహోర్ నుంచి కరాచీ వెళ్తున్నట్లు సమాచారం. విమానంలో 100 మంది వరకు ఉన్నట్లు తెలుస్తోంది.