17 మంది భారత జాలర్లను అరెస్ట్ చేసిన పాక్​

అరేబియా సముద్రంలో తమ సరిహద్దు జలాల్లోకి ప్రవేశించారనే కారణంగా 17 మంది భారతీయ జాలర్లను పాక్​ అధికారులు అరెస్ట్​ చేశారు. వారికి చెందిన మూడు బోట్లను సీజ్​ చేసినట్లు పాక్​ మారిటైమ్​ సెక్యూరిటీ ఏజెన్సీ అధికారులు తెలిపారు.

భారత్​కు చెందిన 17 మంది మత్స్యకారులను పాకిస్థాన్​ మారిటైమ్ సెక్యూరిటీ ఏజెన్సీ అధికారులు అరెస్ట్​ చేశారు. వారికి సంబంధించిన మూడు బోట్​లను స్వాధీనం చేసుకున్నారు.

అరేబియా సముద్రంలో భారత్​-పాక్​ కోస్టల్​ సరిహద్దుకు 10 నుంచి 15 నాటిక మైళ్లు దూరంలోని సర్​ క్రీక్ ప్రాంతంలో​ పాక్​ సముద్ర జలాల్లోకి ప్రవేశించారనే ఆరోపణతో ఈ నెల 26న మత్స్యకారుల్ని అరెస్ట్​ చేసినట్లు పాక్​ అధికారులు వెల్లడించారు. 27న కోర్టులో హాజరుపరిచి.. అనంతరం పోలీసులకు అప్పగించినట్లు పేర్కొన్నారు. వారిని కరాచీలోని లాంథీ లేదా మార్లిన్​ జైలుకు పంపనున్నట్లు తెలిపారు.

ఇదీ చూడండి:అంటార్కిటికాలో భారీ మంచుకొండకు పగుళ్లు