జమ్ముకశ్మీర్ భారతీయ రాష్ట్రమే : పాకిస్థాన్​

పాకిస్థాన్​ విదేశాంగ మంత్రి షా మహ్మద్​ ఖురేషి వ్యాఖ్యలు సర్వత్రా చర్చనీయాంశమయ్యాయి. "జమ్ముకశ్మీర్​ భారతీయ రాష్ట్రం" అని జెనీవాలో ఆయన అనడం నెట్టింట వైరల్​ అయింది. పాకిస్థాన్​ ఎట్టకేలకు సత్యాన్ని అంగీకరించిందని నెటిజన్లు కామెంట్ చేస్తున్నారు.

జమ్ముకశ్మీర్​పై ఆసక్తికర వ్యాఖ్యలు చేశారు పాకిస్థాన్ విదేశాంగ మంత్రి షా మహ్మద్​ ఖురేషి. కశ్మీర్​లో తాజా ఆంక్షలపై జెనీవాలో మీడియాతో మాట్లాడిన ఆయన.. జమ్ముకశ్మీర్​ను 'భారతీయ రాష్ట్రాం'గా పేర్కొన్నారు. ఖురేషీ వ్యాఖ్యలు సర్వత్రా చర్చనీయాంశంగా మారాయి. కశ్మీర్​ భారత్​లో భాగమేనన్న సత్యాన్ని పాకిస్థాన్​ ఎట్టకేలకు ఒప్పుకుందని నెటిజన్లు కామెంట్లు చేస్తున్నారు.

"కశ్మీర్​లో సాధారణ పరిస్థితులు నెలకొన్నాయని భారత్ ప్రపంచ దేశాలకు చెబుతోంది. ఒకవేళ అదే నిజమైతే... భారతీయ రాష్ట్రమైన జమ్ముకశ్మీర్​కు వెళ్లేందుకు అంతర్జాతీయ స్వచ్ఛంద సంస్థలు, మీడియాను ఎందుకు అనుమతించట్లేదు? భారత్​ అసత్యాలు చెబుతోంది. ఒక్కసారి కశ్మీర్​లో ఆంక్షలు ఎత్తివేస్తే నిజమేంటో బయటకు వస్తుంది. అప్పుడే ప్రపంచం మేలుకుంటుంది."
- షా మహ్మద్​ ఖురేషీ, పాక్​ విదేశాంగ మంత్రి