పాక్​ జఫార్ రైలు​పై దాడి

పాకిస్థాన్​ జఫార్​ రైలుపై దుండగులు దాడి చేశారు. బలూచిస్థాన్​లో రైల్వేట్రాక్​పై అధునాతన పేలుడు పదార్థాలు పేల్చారు. ఈ ఘటనలో నలుగురు ప్రాణాలు కోల్పోయారు.

పాకిస్థాన్​లోని బలూచిస్థాన్​లో ప్యాసింజర్​ రైలుపై పేలుడు పదార్థాలతో దాడి చేశారు దుండగులు. ఈ ఘటనలో నలుగురు ప్రాణాలు కోల్పోయారు. ఆరుగురికి తీవ్రగాయాలయ్యాయి. క్షతగాత్రులను ఆసుపత్రికి తరలించారు. ఘటనపై కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.

రావల్పిండి నుంచి క్వెట్టాకు బయలుదేరిన జఫార్​ రైలుపై దుండగులు ఈ దాడికి పాల్పడ్డారు. బలూచిస్థాన్​ డేరా మురాద్​ జమాలి ప్రాంతంలో రైల్వే ట్రాక్​పై పేలుడు పదార్థాలు అమర్చి ఈ ఘాతుకానికి ఒడిగట్టారు.

దాడిన ఖండించిన ప్రభుత్వం

దుండగుల దాడిని బలూచిస్థాన్​ ముఖ్యమంత్రి జామ్​ కమల్​ ఖాన్​ అల్యానీ ఖండించారు. ఈ ఘాతుకానికి పాల్పడ్డ వారిపై కఠిన చర్యలు తీసుకుంటామని ప్రకటించారు. రైల్వే మంత్రి షేక్​ రషీద్​ అహ్మద్​ ఘటనపై తీవ్ర దిగ్భ్రాంతి వ్యక్తం చేశారు.