చైనా సహకారంతో పాక్​ 'సరికొత్త యుద్ధ విమానాల' తయారీ

తొలిసారి రెండు సీట్లతో కూడిన యుద్ధ విమానాన్ని తయారు చేసింది పాకిస్థాన్​. దాని మిత్ర దేశం చైనా సహకారంతో ఈ విమానాన్ని ఐదు నెలల్లోనే రూపొందించింది.

పాకిస్థాన్ సరికొత్త యుద్ధ విమానాలను తయారు చేసింది. రెండు సీట్లు ఉండే జేఎఫ్​-17ను రూపొందించింది. తన మిత్ర దేశం చైనా సహకారంతో ఐదు నెలల్లోనే వీటిని ఉత్పత్తి చేసింది

ఈ సందర్భంగా ఇస్లామాబాద్​ సమీపంలోని కమ్రా విమానాల తయారీ కర్మాగారంలో ఓ కార్యక్రమాన్ని ఏర్పాటు చేసినట్లు పాకిస్థాన్​ వైమానిక దళం తెలిపింది.రెండు సీట్లు కలిగిన 8 జేఎఫ్ -17 విమానాలను తయారు చేసినట్లు పాక్​ ఎయిర్ చీఫ్​ ముజాహిద్​ అన్వర్​ ఖాన్​ తెలిపారు.

జేఎఫ్​-17 విమానాల అభివృద్ధి చైనా- పాక్ దేశాల మధ్య బంధాన్ని తెలియజేస్తుందని పేర్కొన్నారు అన్వర్. ఈ విమానాలు పాక్​ వైమానిక దళానికి వెన్నెముక లాంటివన్నారు.

ఈ కార్యక్రమానికి చైనా రాయబారి యావో జింగ్, ఏవియేషన్ ఇండస్ట్రీస్ ఆఫ్ చైనా ఎగ్జిక్యూటివ్ వైస్ ప్రెసిడెంట్ హవో జావోపింగ్ హాజరయ్యారు.

ఇదీ చూడండి:'నిజమనే పర్వతాన్ని అబద్ధమనే పొదతో కప్పుతున్నారు'