పాకిస్థాన్​లో కరోనా విలయతాండవం

పాక్​లో శనివారం ఒక్కరోజే 32మంది కరోనాతో మరణించారని ఆ దేశ ఆరోగ్యశాఖ వెల్లడించింది. దీంతో మొత్తం వైరస్​ మృతుల సంఖ్య 1,100లు దాటినట్లు తెలిపింది. ఇప్పటివరకు 54వేలకు పైగా మహమ్మారి బారిన పడ్డారని అధికారులు చెప్పారు.

పాకిస్థాన్​లో కరోనా మృతుల సంఖ్య రోజురోజుకు పెరుగుతోంది. శనివారం ఒక్కరోజే 32మంది మహమ్మారి కారణంగా మరణించగా... మొత్తం మృతుల సంఖ్య 1,133కు పెరిగిందని అక్కడి ఆరోగ్య శాఖ వెల్లడించింది.

వైరస్​ బాధితుల సంఖ్య 54,601కు చేరినట్లు అధికారులు తెలిపారు. ప్రాణాంతక కరోనా నుంచి 17,198మంది కోలుకున్నట్లు అధికారులు వెల్లడించారు. ఇప్పటివరకు 473,607మందికి వైరస్​ పరీక్షలు నిర్వహించినట్లు చెప్పారు.

ఏ రాష్ట్రంలో ఎన్ని!

రాష్ట్రం	కేసులు
సింధ్	21,645
పంజాబ్	19,557
కైబర్-పఖ్తున్​క్వా	7,685
బలూచిస్థాన్	3,306
ఇస్లామాబాద్	1,592
గిల్గిత్​-బల్టిస్థాన్	619
పాక్​ ఆక్రమిత కశ్మీర్	197

​భౌతిక దూరం పాటించాలి!

భౌతిక దూరం పాటిస్తూ ఈద్​ వేడుకలను జరుపుకోవాలని పాక్​ ప్రభుత్వ అక్కడి ప్రజలకు సూచించింది. బంధువుల ఇళ్లకు వెళ్లడం, పార్టీలు చేసుకోవడం వంటివి మానుకోవాలని హితవు పలికింది.

ఇదీ చూడండి:హాంకాంగ్​ వీధుల్లో మళ్లీ హోరెత్తిన నిరసనలు