భార్య ముక్కు కోసి.. గుండు కొట్టిన భర్త!

పాకిస్థాన్​లో ఓ వ్యక్తి కోపంతో కట్టుకున్న భార్యను ముక్కు కోసి, గుండు కొట్టించాడు. స్థానికులు మహిళను రక్షించి ఆసుపత్రికి తరలించారు. మహిళ ఫిర్యాదు మేరకు పోలీసులు కేసు నమోదు చేశారు.

పాకిస్థాన్​లో అమానవీయ ఘటన జరిగింది. కష్టసుఖాల్లో తోడని తనను నమ్మి కట్టుకున్న భార్యతో అతి కిరాతకంగా ప్రవర్తించాడు ఓ వ్యక్తి. రోజూ పెట్టే హింసతో సంతృప్తి అనిపించలేదో ఏమో.. కోపంతో భార్య ముక్కు కోసి, గుండు కొట్టాడు. ఆ మహిళకు జరుగుతున్న దారుణాన్ని గమనించిన ఇరుగుపొరుగు వారు దుర్మార్గుడి చెరనుంచి ఆమెను విడిపించి... ఆసుపత్రికి తరలించారు.

పాకిస్థాన్ లాహోర్​కు చెందిన సజ్జద్ అహ్మద్​ తన భార్య షాజియాను రోజూ హింసిస్తుండేవాడు. కోపం వచ్చినప్పుడు పైపులతో, ఇనుప రాడ్లతో ఇష్టం వచ్చినట్లు కొట్టేవాడు. చాలా సార్లు స్థానికులు మహిళను ఆ దుర్మార్గుడి నుంచి రక్షించారు. తాజాగా నెలవారీ సరుకులకు కిరాణా కొట్టు వద్ద చెల్లించాల్సిన డబ్బును ఇవ్వాలని భర్తను ఆమె కోరింది. అందుకు ఆగ్రహించిన అహ్మద్​.. 'వాటిని నీ అనారోగ్యం కోసమే ఖర్చు చేశా'నంటూ కోపంతో ఊగిపోయి కత్తి తీసుకొని ఆమె ముక్కు కోశాడని షాజియా వెల్లడించింది.

కేసు నమోదు చేసిన పోలీసులు.. పరారీలో ఉన్న నిందితుడి కోసం గాలిస్తున్నారు.