పాక్ జాగ్రత్త.. బ్లాక్లిస్ట్లో పెడతాం: ఎఫ్ఏటీఎఫ్ ఉగ్రవాదులకు నిధులు అందకుండా అమలు చేయాల్సిన కార్యాచరణ ప్రణాళికను పూర్తి చేయడంలో పాకిస్థాన్ విఫలమైందని ఫైనాన్షియల్ యాక్షన్ టాస్క్ఫోర్స్ (ఎఫ్ఏటీఎఫ్) పేర్కొంది. అక్టోబర్ నాటికి ఈ కార్యాచరణను పూర్తి చేయాలని... లేకపోతే నిషేధిత జాబితాలో చేర్చాల్సి వస్తుందని పాకిస్థాన్తో పాటు ఇరాన్నూ హెచ్చరించింది.
పారిస్ కేంద్రంగా పనిచేస్తున్న ఎఫ్ఏటీఎఫ్.... ఉగ్రవాద సంస్థలకు నిధులు అందకుండా, అక్రమ నగదు చలామణిని అరికట్టడానికి కృషి చేస్తోంది. దేశంలో నిషిద్ధ ఉగ్రవాద సంస్థల కార్యకలాపాలను పాకిస్థాన్ గుర్తించి.. ఉగ్రవాదాన్ని అరికట్టాలని సూచించింది.
అక్టోబర్ వరకు గడువు
ఉగ్రవాద సంస్థలకు నిధుల ప్రవాహం, అక్రమ నగదు చలామణి సవాళ్లను ఎదుర్కోవడానికి పటిష్ఠ చట్టాలు లేని దేశాలను గ్రే లిస్ట్లో ఉంచింది ఎఫ్ఏటీఎఫ్. ఆ జాబితాలో పాకిస్థాన్ను కూడా గత ఏడాది చేర్చిందీ అంతర్జాతీయ సంస్థ.
ఫ్లోరిడాలోని ఓర్లాండోలో జరిగిన ప్లీనరీ సమావేశంలో ఎఫ్ఏటీఎఫ్ ఓ ప్రకటన విడుదల చేసింది. పాకిస్థాన్ జనవరి నాటికే కాకుండా... మే పూర్తయినా తన కార్యాచరణ ప్రణాళికను పూర్తి చేయలేకపోయిందని ఆందోళన వ్యక్తం చేసింది. అందువల్ల అక్టోబర్ వరకు కచ్చితంగా పూర్తి చేయాలని ఆదేశించింది. ఇరాన్ను కూడా ఇదే విధంగా హెచ్చరించింది.
ఏంటీ ఎఫ్ఏటీఎఫ్..?
ఎఫ్ఏటీఎఫ్.. ప్రస్తుతం 36 ఓటు హక్కుగల సభ్య దేశాలు, రెండు ప్రాంతీయ సంస్థలను కలిగి ఉంది. ప్రపంచంలోని ప్రధాన ఆర్థిక కేంద్రాలకు ప్రాతినిధ్యం వహిస్తోంది. వచ్చే ఏడాది ఎఫ్ఏటీఎఫ్ అధ్యక్ష పదవిని చైనా దక్కించుకోనుండగా, గల్ఫ్ కో ఆపరేషన్ కౌన్సిల్కు ప్రాతినిధ్యం వహిస్తున్న సౌదీ అరేబియా ఈ సంస్థలో శాశ్వత సభ్యదేశంగా చేరనుంది.
ఈ సంస్థలో పాకిస్థాన్కు వ్యతిరేకంగా అమెరికా, బ్రిటన్, భారత్, యూరప్ గళమెత్తగా, టర్కీ మాత్రమే పాకిస్థాన్కు అండగా నిలిచింది.
ఇదీ చూడండి: ఇరాన్‌పై దాడికి సిద్ధమై మనసు మార్చుకున్న ట్రంప్‌!
