హఫీజ్ అనుచరులకు 9 ఏళ్లు జైలు శిక్ష

ముంబయి ఉగ్రదాడి ప్రధాన సూత్రధారి, జమాత్​-ఉద్​-దవా అధినేత​ హఫీజ్​ అనుచరుల్లో ఐదుగురికి జైలు శిక్ష విధించింది పాక్​ కోర్టు. ఉగ్రవాద కార్యకలాపాలకు ఆర్థిక వనరులు సమకూర్చిన కేసులో ఈమేరకు తీర్పునిచ్చింది.

ఉగ్రవాద కార్యకలాపాలకు నిధులు సమకూర్చిన కేసులో.. జమాత్-ఉద్-దవా చీఫ్ హఫీద్ సయీద్ ఐదుగురు అనుచరులకు లాహోర్​లోని ప్రత్యేక కోర్టు 9 ఏళ్లు జైలు శిక్ష విధించింది.

ఉమర్ బహదర్, నసరుల్లా, సమి ఉల్లాకు మొదటిసారి శిక్ష పడింది. మరో ఇద్దరు నిందితులు యాహ్యా ముజాహిద్, జఫర్ ఇక్బాల్​ను గతంలోనూ ఉగ్రవాద కార్యకలాపాలకు నిధులు సమకూర్చిన విషయంలో దోషులుగా తేల్చింది కోర్టు.

న్యాయమూర్తి ఇజాజ్ అహ్మద్ భుట్టర్ ఈ కేసుపై తీర్పు వెలువరించారు. ఇదే కేసుకు సంబంధించి సయీద్‌ బావమరిది అబ్దుల్‌ రెహమాన్‌ మక్కీకి 6 నెలల జెలుశిక్ష ఖరారు చేశారు.