రీల్​ కాదు రియల్​.. గాల్లో ఎగిరిన ఆయిల్​ ట్యాంకర్​

తూర్పు చైనాలో శనివారం ఓ భారీ ఆయిల్​ ట్యాంకర్​ పేలింది. ఈ ఘటనలో 18 మంది చనిపోగా.. 166 మంది క్షతగాత్రులయ్యారు. ఈ ప్రమాదానికి సంబంధించిన ఓ వీడియో నెట్టింట చక్కర్లు కొడుతోంది.

కార్లు, వాహనాలు గాల్లో లేవడం సినిమాల్లో చూసుంటాం. ఫైట్లు, ఛేజింగ్​ సీన్లలో వాహనాలు ఎగిరేలా చేసేందుకు భారీ క్రేన్లు వినియోగిస్తుంటారు. అయితే సినిమాలో యాక్షన్​ సీన్లను తలపించేలా చైనాలోని ఆయిల్​ ట్యాంకర్​ ప్రమాదం జరిగింది. ఝెజియాంగ్ రాష్ట్రంలోని వెన్లింగ్ నగరం సమీపంలోని 'షెన్యాంగ్​-హైకో' ఎక్స్​ప్రెస్ వేలో.. శనివారం ఓ భారీ ఆయిల్ ట్యాంకర్​ పేలిపోయింది. ఈ ఘటనలో మంటలు అంటుకున్న ట్యాంకర్​ ఎగిరిపడిన వీడియో నెట్టింట చక్కర్లుకొడుతోంది.

ఇప్పటికే ఈ ప్రమాదంలో 18 మంది చనిపోగా.. 166 మంది క్షతగాత్రులయ్యారు. రంగంలోకి దిగిన అగ్నిమాపక సిబ్బంది సహాయక చర్యలు ముమ్మరం చేశారు. రహదారిపై వాహనాల రాకపోకలను అధికారులు తాత్కాలికంగా నిలిపివేశారు. పోలీసులు ప్రమాదానికి గల కారణాలపై దర్యాప్తు చేస్తున్నారు.