వంతెన కూలి 9 మంది దుర్మరణం

ఇండోనేసియా సుమత్రా దీవుల్లో దారుణం జరిగింది. ఈ ప్రాంతంలో వంతెన కూలి 9 మంది మృతి చెందారు. మరొకరు నీటి ప్రవాహంలో కొట్టుకుపోయినట్లు విపత్తు నిర్వహణ అధికారులు తెలిపారు.

ఓ వంతెన కూలి 9 మంది మరణించిన ఘటన ఇండోనేసియా సుమత్రా దీవుల్లో చోటు చేసుకుంది. ఈ ఘటనలో మరొక వ్యక్తి ఆచూకీ గల్లంతైనట్లు అధికారులు తెలిపారు.

కౌర్​ ప్రాంతంలో 30 మంది కలిసి వంతెనను దాటుతున్న సమయంలో అకస్మాత్తుగా కుప్పకూలింది. ఇందులో ఎక్కువగా విద్యార్థులే ఉన్నారు. కొంతమంది నీటిలో పడి గాయపడ్డారు. నీట మునిగిన వారిలో కొంతమంది తమని తాము రక్షించుకోగా 10 మంది నదీ ప్రవాహానికి కొట్టుకుపోయినట్లు అధికారులు వెల్లడించారు. వీరిలో 9 మంది మృతదేహాలు లభ్యమయ్యాయి. మరొకరి జాడ తెలియరాలేదని తెలిపారు.

ఇదీ చూడండి: మరికాసేపట్లో భాజపా అధ్యక్ష పదవికి 'నడ్డా' నామినేషన్​