'పాక్​లో గుడి కూల్చివేత' ప్రధాన నిందితుడు అరెస్టు

పాక్​లో హిందూ దేవాలయాన్ని కూల్చివేసిన కేసులో ప్రధాన నిందితుడిని పోలీసులు అదుపులోకి తీసుకున్నారు. అల్లరి మూకలను ప్రేరేపించింది ఇతడే అని వెల్లడించారు. ఈ కేసుకు సంబంధించి ఇప్పటివరకు 110 మందిని అరెస్టు చేసినట్లు పాక్​ పోలీసులు తెలిపారు.

పాకిస్థాన్​లోని ఖైబర్ పఖ్తుంఖ్వా రాష్ట్రంలో హిందూ ఆలయాన్ని కూల్చిన ఘటనలో ప్రధాన నిందితుడిని అక్కడి పోలీసులు శుక్రవారం అరెస్టు చేశారు. అతడి పేరు ఫైజుల్లా అని, కరాక్​ జిల్లాలో అదుపులోకి తీసుకున్నామని ఖైబర్ పఖ్తుంఖ్వా ప్రధాన పోలీస్ అధికారి సనావుల్లా అబ్బాసి వెల్లడించారు. అల్లరి మూకలను ప్రేరేపించి హిందూ దేవాలయాన్ని ధ్వంసం చేయించిన కేసులో ఫైజుల్లానే సూత్రధారి అని తెలిపారు.

ఈ కేసుకు సంబంధించి ఇప్పటివరకు 110 మందిని అరెస్టు చేసినట్లు అబ్బాసి తెలిపారు.

ఇదీ చదవండి :పాక్​లో హిందూ ఆలయాన్ని కూల్చిన అల్లరిమూక

గతవారం రాడికల్‌ ఇస్లామిక్‌ పార్టీకి చెందిన కొందరు కార్యకర్తలు హిందూ దేవాలయాన్ని కూల్చి వేశారు. ఈ ఘటనను మానవ హక్కుల సంఘం సహా ప్రపంచ దేశాలు తీవ్రంగా ఖండించాయి.

కూల్చిన గుడిని పునర్నిర్మిస్తామని ఖైబర్ పఖ్తుంఖ్వా ముఖ్యమంత్రి హామీ ఇచ్చారు. పాక్ సూప్రీంకోర్టు కూడా హిందూ గుడిని పునర్నిర్మించాలని ఆదేశించింది. నిర్లక్ష్యం వహించిన అధికారులను తీవ్రంగా తప్పుబట్టింది.