శ్రీలంక పార్లమెంట్ ఎన్నికల్లో ఘన విజయం సాధించిన శ్రీలంక పీపుల్స్ పార్టీ(ఎస్ఎల్పీపీ) అధ్యక్షుడు మహింద రాజపక్స.. ప్రధానమంత్రిగా నాలుగోసారి ప్రమాణ స్వీకారం చేశారు. దక్షిణ కొలొంబో, కెలానియా ప్రాంతంలోని చారిత్రక బౌద్ధ మందిరమైన రాజమాహా విహారయాలో ఆదివారం ఈ కార్యక్రమం జరిగింది.
అయితే.. కేబినెట్ మంత్రుల ప్రమాణస్వీకార కార్యక్రమం సోమవారం జరగనున్నట్లు స్థానిక మీడియా వెల్లడించింది. అనంతరం సహాయ మంత్రుల ప్రమాణ స్వీకారం జరుగుతుందని స్పష్టం చేసింది.