మాస్కులు ధరించడం సహా కొవిడ్ నిబంధనల్ని తుచ తప్పకుండా పాటించాలని దేశ ప్రజలకు పాకిస్థాన్ ప్రధాని ఇమ్రాన్ఖాన్ సూచించారు. అలా చేయకుండా, కరోనా ఉద్ధృతి పెరిగితే మాత్రం దేశవ్యాప్తంగా మరోమారు లాక్డౌన్ తప్పదని హెచ్చరించారు. మహమ్మారిలను ఎదుర్కొనేందుకు ఉద్దేశించిన జాతీయ సమన్వయ కమిటీ సమావేశంలో ఇమ్రాన్ శుక్రవారం ప్రసంగించారు.
భౌతిక దూరం నిబంధనల అమలులో పోలీసులకు సైన్యం సహకరిస్తుందని తెలిపారు. కరోనా విశ్వరూపం వల్ల భారత్‌లో లాక్‌డౌన్‌లు విధిస్తున్నారని, ఆ పరిస్థితి ఇక్కడ రాకుండా ఉండాలంటే నిబంధనల్ని పాటించడమొక్కటే ఉత్తమ పరిష్కారమని వ్యాఖ్యానించారు.