కొండచరియలు విరిగిపడి 11మంది మృతి

ఇండోనేసియాలో కొండచరియలు విరిగిపడి 11 మంది మరణించారు. మరో 18 మంది గాయపడ్డారు. సహాయక చర్యలు కొనసాగిస్తున్నారు అధికారులు.

ఇండోనేసియాలో కురుస్తోన్న భారీ వర్షాలకు రహదారి పక్కన కొండచరియలు విరిపడి 11 మంది మృతిచెందారు. మరో 18 మంది గాయపడ్డారు. సహాయక చర్యలు చేపట్టిన అధికారులు.. భారీ యంత్రాలతో శిథిలాలను తొలగిస్తున్నారు.

కొండచరియలు విరిగిపడటం వల్ల రోడ్లు, వంతెనలు పూర్తిగా దెబ్బతిన్నాయని ఆ దేశ అధికారులు తెలిపారు. అధిక సంఖ్యలో ప్రజలు ఇక్కడ కొండ ప్రాంతాలు, నదీప్రాంతాల్లో నివసిస్తుండడం వల్ల ఏటా వర్షాకాలంలో ప్రమాదాలకు గురవుతున్నారని పేర్కొన్నా రు.

ఇదీ చూడండి:జావా సముద్రంలో ఇండోనేసియా విమాన శకలాలు గుర్తింపు!