కొత్త రకం తిమింగలం?

శాస్త్రవేత్తలు ఇటీవలే భిన్నమైన తిమింగలాన్ని కనుగొన్నారు. ఇవి కొత్త జాతికి చెందిన జీవులై ఉండొచ్చని వారు భావిస్తున్నారు.

దక్షిణ మహా సముద్రంలో ఇటీవల విభిన్నమైన తిమింగలాన్ని కనుగొన్నట్లు శాస్త్రవేత్తలు ప్రకటించారు. అది సాధారణ జాతి తిమింగలంలా లేదని బహుశా కొత్త జాతికి చెందిన జీవి కావచ్చని భానిస్తున్నారు.

ఆ జీవి నుంచి సేకరించిన కణాన్ని 'డీఎన్​ఏ' పరీక్షకు పంపారు. దాని నుంచి వచ్చే ఫలితాల ఆధారంగా అది కొత్త రకం జీవి అవునా, కాదా అనే విషయం వెల్లడి కానుంది. 'జాతీయ సముద్ర పర్యావరణ పర్యవేక్షణ సంస్థ' మాత్రం ఎటువంటి పరీక్షలు పూర్తవకుండానే అది భిన్న జాతి జీవి అని ధీమాగా ఉంది.

ఈ కొత్త జీవులను టైప్ 'డీ' లేదా సబ్​ అంటార్కిటిక్​ కిల్లర్ వేల్​గా నామకరణం చేశారు.

కళ్లలో పెద్ద పరిమాణంలో తెల్లటి మచ్చలు ఉండటం వీటి ప్రత్యేకతగా శాస్త్రవేత్తలు వివరించారు. సాధారణ తిమింగలాలతో పోలిస్తే వీటి తల ఎక్కువ గుండ్రంగా ఉందని, వెనుక వైపున్న రెక్కలు చిన్నగా ఉన్నట్లు తెలిపారు. ఇవి కొత్త జీవులు అని చెప్పడానికి ఈ ఆధారాలు సరిపోతాయని నిపుణులు అభిప్రాయపడుతున్నారు.