ఉత్తర కొరియా అధ్యక్షుడు, ఆ దేశానికి ఏకఛత్రాధిపతి కిమ్ జోంగ్‌ ఉన్‌ అస్వస్థతకు గురయ్యారని వార్తలు వస్తున్నాయి. ఒక వేళ కిమ్ చనిపోతే.. ఆయన సోదరి కిమ్ యో జోంగ్‌ అధ్యక్ష పగ్గాలు చేపట్టనున్నట్లు కథనాలూ వెలువడుతున్నాయి. అయితే ఇవి ఎంత వరకు నిజమనే దానిలో స్పష్టత లేదు గానీ ప్రస్తుతం కిమ్ మరోసారి ప్రపంచవ్యాప్తంగా హాట్‌ టాపిక్‌గా మారారు. ఈ నేపథ్యంలో కిమ్ గురించి కొన్ని ఆసక్తికర విషయాలు..
పుట్టిన సంవత్సరంపై సందేహాలు
కిమ్ జోంగ్‌ ఉన్‌ పుట్టింది 1982 జనవరి 8 అని అధికారంగా చెబుతారు. కానీ, దక్షిణ కొరియా రికార్డుల ప్రకారం కిమ్ పుట్టింది 1983 జనవరి 8 అని, అమెరికా రికార్డుల ప్రకారం 1984 జనవరి 8 అని ఉంటుంది. అయితే కిమ్ ఏ ఏడాదిలో జన్మించారనే విషయం ఎవరికీ తెలియదు. అధికారం చేపట్టడానికి, పెద్దమనిషిగా కనిపించడానికి 1982ని ఆయన పుట్టిన సంవత్సరంగా చూపిస్తున్నారని కొందరు విశ్లేషకులు చెబుతున్న మాట.
అనామకుడిగా విద్యాభ్యాసం
స్విట్జర్లాండ్‌లో కిమ్ చదువుకున్నాడన్న విషయం చాలా మందికి తెలుసు. 1993-1998 మధ్య అక్కడి ఓ ఇంటర్నేషనల్‌ స్కూల్‌లో కిమ్ విద్యనభ్యసించాడు. అయితే స్కూల్‌లో అతడి పేరును ఎక్కడా కిమ్‌గా చెప్పలేదు. ‘పాక్‌-కోల్‌’ అనే పేరుతో చదువుకున్నాడట. ఆ తర్వాత 1998-2000 మధ్య బెర్న్‌లోని ఓ స్కూల్‌లో అతడి విద్యాభ్యాసం జరిగింది. అయితే ఆ పాఠశాల రిజిస్టర్‌లో కిమ్ పేరును ‘పాక్‌- ఉన్‌’గా మార్చారు. నార్త్‌ కొరియా ఎంబసీలో పనిచేసే ఓ ఉద్యోగి కుమారుడిగా కిమ్‌ను స్కూల్‌లో పరిచయం చేశారు.
చదువు అంతంత మాత్రమే.. కానీ రెండు డిగ్రీలు
పాఠశాల విద్య సమయంలో కిమ్ చదువులో చాలా వెనకబడి ఉండేవారట. బాస్కెట్బాల్, వీడియో గేమ్స్‌ ఎక్కువ ఆడుతూ సమయం గడిపేవారట. అయినా కిమ్ రెండు డిగ్రీలు పొందారు. స్వదేశంలోని కిమ్ 2-సంగ్ యూనివర్సిటీ నుంచి భౌతికశాస్త్రంలో ఒక డిగ్రీ, మలేషియాలోని హెల్ప్‌ యూనివర్సిటీ నుంచి ఆర్థికశాస్త్రంలో ఒక డిగ్రీ పట్టా అందుకున్నారు.
తాతలా కనిపించాలని..
చాలా మంది యువకుడిగా కనిపించాలని ముఖానికి ప్లాస్టిక్‌ సర్జరీలు చేయించుకుంటారు. కానీ 27 ఏళ్ల వయసు ఉన్నప్పుడు కిమ్ అతడి తాత (కిమ్ ఇల్ సంగ్)లా కనిపించడం కోసం ప్లాస్టిక్‌ సర్జరీ చేయించుకున్నారు.
జున్నుపై ఇష్టం.. అందుకే కిమ్ అలా..